தேவாவின் தேடுதல்...

நானும் விகடனும்

2012-02-25T14:09:00.001+05:30

இல்லல்ல...அது சரியா வராது.விகடனும் நானும்-ன்னுதான் சொல்லணும். அவங்கதான் சீனியர். இப்டியே போனா சீக்கிரமா அந்த பகுதிய என்னையும் எழுதச்சொல்லுவாங்கன்னு நினைக்கிறேன்.(எதுக்கு இவ்ளோ பில்டப் கொடுக்கறான்)

உலகப்பத்திரிக்கை வரலாற்றில் இரண்டாவது முறையாக விகடன் பெருமைப்பட்டுவிட்டது. (எப்படி..?) சமூகவலைத்தளங்களில் வரும் ஈர்க்கக்கூடிய கருத்துகளை ஆனந்தவிகடன் வலைபாயுதே என்ற தொடராக வெளியிட்டு வருவது உங்களுக்கு தெரிந்ததே...

ஒரு சமூக வலைத் தளங்களை கூட விடாமல் பங்களித்து சேவை செய்து வரும் (வெட்டிவேலை செய்யும்ன்னு சொல்றா டேய்) சேலம்தேவா அவர்களையும் (நான்தான்.. நான்தான்..) நீங்கள் அறியாமல் இருக்க மாட்டீர்கள். இல்லைன்னாலும் இப்ப தெரிஞ்சிக்கோங்க...

அத்திப்பூ பூப்பது போல் நான் சில தத்துவ முத்துகளை அவ்வப்போது உதிர்ப்பதுண்டு. போனவருடவாக்கில் முதல்முறையாக என் ட்விட் ஒன்று விகடனில் வந்து அதை நீங்கள் விழாவாக கொண்டாட நினைத்து அதை நான் வேண்டாமென்று மறுத்தது நினைவிருக்கிறதா..?! (இல்லை.அதுக்கு என்ன இப்ப..?) சரி..அதை விடுங்கள்.

இந்த வருடமும் விகடனுக்கு தோன்றியுள்ளது நாம் இந்த மேதையை (நான்தான்..நான்தான்) கவுரவித்து ஒரு வருடமாகி விட்டதே என்று இந்த வார இதழில் வலைபாயுதேவில் என்னுடைய அனுபவத்தில் விளைந்த ஒரு நல்முத்தை ஏற்றியுள்ளார்கள். படிக்க வேண்டும் என்று நினைப்பவர்கள் விகடன் புத்தகத்தை வாங்கி படித்துக்கொள்ளுங்கள். (ஹி..ஹி...விகடன் விற்பனைக்கு ஏதோ நம்மால முடிஞ்ச ஒரு உதவி) (டேய்..இதெல்லாம் ரொம்ப ஓவர்.உன் ட்விட்ட போய் போட்டாங்க பாரு...அவங்களுக்கு இதுவும் வேணும்.இன்னமும் வேணும்)

இந்த ட்விட் என் சிந்தனையில் தோன்றிய விதத்தை தெரிந்து கொள்ள என் வாசகர்களாகிய நீங்கள் ஆவலாயிருப்பீர்கள். (நாங்க எப்படா சொன்னோம்..?!) உங்கள் விருப்பத்திற்கிணங்க அந்தப்பதிவு அடுத்த வாரத்திற்குள் உங்கள் பார்வைக்கு பதிவாக வரும். (ஹி..ஹி...டிரைலர்)

ஸ்வீட்(நீங்களே காசு கொடுத்து வாங்கி) எடுங்க...கொண்டாடுங்க... ஹி..ஹி...

சர்க்கஸ்

2012-01-18T13:56:00.000+05:30

இந்தமுறை பொங்கல் விடுமுறை நீண்ண்ண்ண்ட நாட்கள் இருந்ததுபோல் ஒரு உணர்வு.பொழுதுபோக்கிற்கு தொலைக்காட்சியை விட்டால் வேறு போக்கிடம் இல்லாமல் போய்விட்டது.

காணும் பொங்கல் அன்று பெரியவர்கள், நண்பர்களை கண்டு மகிழ்ச்சியை பரிமாறிக்கொள்ளாமல் தொலைக்காட்சியை கண்டு கொண்டு இருக்கிறோம்.

புதிதாக வந்த திரைப்படங்களை திரையரங்கில் பார்க்கலாம் என்றால் திரையரங்கத்தினர் ஒரு வாரத்திற்குள் போட்ட பணத்தை எடுக்கும் பொருட்டு விலையை அவர்கள் விருப்பத்திற்கு உயர்த்தி விடுவார்கள்..அதுவும் ரசிகர்கள் இடும் கூச்சலில் படம் பார்த்த திருப்தியே வராது.

இந்தமுறை பலவருடங்கள் கழித்து சர்க்கஸ் சென்றோம். சர்க்கஸின் கூரையில் உள்ள கிழிசல்களே அவர்களின் வறுமை நிலையை உணர்த்துகிறது. குழந்தைப்பருவத்திற்கு திரும்பிவிட்டாற்போன்று ஒரு உணர்வு. ஆனால், விலங்குகள் நலவாரியத்தின் புண்ணியத்தால் நான் சென்றபோது சர்க்கஸில் இருந்த விலங்குகள் இப்போது 10 சதவீதம் கூட இல்லை. 1 யானை,2 குதிரை,2 ஒட்டகம்,3 நாய்கள் இவை மட்டுமே காண முடிந்தது. இவைகளை விலங்குகள் பட்டியலில் இருந்து தூக்கிவிட்டார்களா தெரியவில்லை.அவைகளும் பார்க்க பரிதாபமான நிலையில்தான் இருந்தது.

பிழைப்புக்காக மனிதர்கள் உயிரைப் பணயம் வைத்து அந்தரத்தில் செய்யும் சாகச விளையாட்டுகளை காணும்போது சற்று வருத்தமாகத்தான் இருந்தது. குள்ள மனிதர்களை பார்க்கும்போது அபூர்வசகோதரர்கள் கமல்தான் நினைவுக்கு வந்தார்.பரிகசிக்கும் இளைஞர்களை பொருட்படுத்தாமல் நிறைவாக சிரித்தமுகத்துடனும், குறைவான ஆடைகளுடனும் வந்த பெண்களின் நிலை உண்மையிலேயே பரிதாபத்திற்குரியது.

நீண்ட கத்தியை இருதயம் வரை சொருகுவது,கத்திப்படுக்கையின் மேல் படுப்பது.சைக்கிள் சாகசங்கள்,மரணகூண்டில்(அப்படிதான் அறிவித்தார்கள்) மோட்டார் சைக்கிள் சாகசம்,ஒரு சாகசக்காரர் 1 லிட்டர் தண்ணீரை குடித்து விட்டு மீண்டும் அதை வாய்வழியே அதை சிறிது சிறிதாக வெளியேற்றுகிறார்.இருவேறு வண்ணங்கள் கொண்ட தண்ணீரை குடித்து அதை தனித்தனியாக வெளியேற்றியது வியப்பூட்டுவதாக இருந்தது. (இந்தப்பயிற்சி யோகக்கலையின் மூலம் சாத்தியம் என்று நினைக்கிறேன்.தெரிந்தவர்கள் பகிரவும்)இப்படி இரண்டரை மணி நேரக்காட்சியை ஓட்டுவதற்கு பாடுபடுகிறார்கள்.

குழந்தைப்பருவத்தில் இருந்த குதூகலங்கள் மறைவது வயதாவதை நினைவுறுத்துகிறது.என் மகளை யானை வரும் என்று சொல்லியே தூங்கவிடாமல் பார்த்துக்கொண்டேன்.உங்கள் ஊரில் சர்க்கஸ் நடைபெற்றால் நம்முடைய குழந்தைகளுக்காகவும்,சர்க்கஸில் உள்ள கலைஞர்களுக்காகவும் ஒருமுறை சென்று வாருங்கள். மகளுக்கு மகிழ்ச்சியுமாய்,மனதுக்கு நெகிழ்ச்சியுமாய் நேற்றைய பொழுது கழிந்தது.

குறிப்பு: பதிவில் இருக்கும் படங்கள் கூகிளின் வழியே எடுத்தது.சர்க்கஸ் உள்ளே படம் எடுக்க அனுமதி இல்லையாம்.

நண்பன்-அதிரடி விமர்சனம்

2012-01-14T08:22:00.000+05:30

தேவாவின் தேடுதல் வலைப்பூவின் வாசகப்பெருமக்களுக்கும்(?!), ரசிககண்மணிகளுக்கும்(??!!) இனிய பொங்கல் திருநாள் நல்வாழ்த்துகள்..!!

குட் காம்பினேஷன்..!! :)

வருடம் பூராவும் திங்க புடிக்கற பொங்கல், பொங்கல் திருநாள் அன்னிக்கு மட்டும் புடிக்ககாது.ஏன்னா,அன்னிக்கே சாப்பாடே அதுதான்.(கொஞ்சமா தின்னா ஆகும்.) இதுவரை புரிபடாத ரகசியம் கோவில்ல கொடுக்கற பொங்கல் மட்டும் எப்டி அவ்ளோ டேஸ்ட்டா இருக்கு..?!

தீபாவளிக்கு ஒருமுறை,பொங்கலுக்கு ஒருமுறை பதிவு போடும்போது கூட என்னை விட்டு விலகாத ஃபாலோயர்ஸ்களை நினைத்தால் ரத்தக்கண்ணீர்.ச்சீ...ஆனந்தக்கண்ணீர் வருகிறது.(ரொம்ப பில்ட்அப் பண்ணி இருக்கறவங்களும் போய்டப்போறாங்கடா டேய்...)

ஜல்லிக்கட்டுக்கு இந்த தடவையும் 76 விதிமுறைகளை போட்டு தமிழர்களின் வீரத்தை உரசி பாக்கறாங்க..(டிவில ஜல்லிக்கட்டு பாக்கறதுக்கே இதுக்கு இவ்ளோ வீரமா..?!)

கொம்ப பாருங்க...குத்துனா டைரக்டா சொர்க்கம்தான்.

7ம்அறிவு படத்துல சூர்யா க்ளைமாக்ஸ்ல அட்வைஸ் பண்றப்போ போகி பண்டிகையே நம்ம பழங்காலத்து பொக்கிஷங்களான ஓலைச்சுவடிகளை அழிக்கறதுக்கு வெள்ளைக்காரன் கண்டுபுடிச்சதுன்னு சொல்வாரே அதப்பத்தி என்ன நினைக்கறீங்க..?!(அப்பா..உருப்படியா ஒரு சந்தேகம் கேட்டாச்சு)

சட்டைய கழட்டுனா லைட்டா நான் கூட இப்டிதான் இருப்பேன். :)

சரி..4 பாரா தாண்டியும் தலைப்புக்கும் பதிவுக்கும் சம்பந்தமே இல்லன்னு யோசிக்கிறிங்களா..?! (உன் பிளாக்ல அதெல்லாம் எதிர்பார்க்க முடியுமா..?!) இப்டி ஹாட்டாபிக் தலைப்பு வச்சாதான் உள்ள வருவீங்க அதுக்குதான்...கோச்சுக்காதிங்க... :) நண்பன் படம் நல்லா இருக்காம்ல...எல்லா விமர்சனங்களும் அததான் சொல்லுது. ஷங்கர் படம்ன்னா சும்மாவா..?! நான் எப்பயும் புதுப்படம் வந்தா தியேட்டரை விட்டு தூக்கறதுக்கு முதல் நாள்தான் பாப்பேன். முதல்நாள் போனா படம் பாக்கவே விட மாட்டானுங்க ரசிகர்கள். dts எபக்ட்ல விசில் அடிச்சே கொல்லுவானுங்க. So, நான் விமர்சனம் எழுதறதுக்குள்ள உலகத்தொலைக்காட்சியிலேயே போட்ருவாங்க... ALL IS LOL. :)

"தலை"க்கு மேல வேலை..!!

2011-12-13T15:59:00.000+05:30

வேற ஒண்ணும் இல்ல...ஹேர்கட் பண்ணப்போறதுதான் அது.

சலூன் கடைக்குப் போகாதவங்க ஒண்ணு மொட்டைத்தலையா இருக்கணு ம்.

இல்லைன்னா சொட்டைத்தலையா இருக்கணும்.

அதுவும் இல்லைன்னா சாமியாருங்களா இருக்கணும்.அதுக்குன்னு நம்ம நித்தி மாதிரி நினைச்சிரக்கூடாது.அவர் ஆங்கிலப்பட ஹீரோக்கள் கணக்கா இருப்பாரு.(செய்ற வேலையும் அப்டியே)

நான் சொன்னது நம்ம பிரேமானந்தா மாதிரி...இவங்கதான் ஹேர் கட் எல்லாம் பண்றதே இல்ல.

இப்ப எதுக்கு இந்த வியாக்யானம்ன்னு நீங்க நெனைப்பீங்க...சலூன் பத்தி பதிவு போடும்போது கொஞ்சம் இன்ட்ரோ கொடுக்கறதுக்காக இந்த ஃபில்(ட்)அப். ஹி.ஹி..ஒரு மாசம் கழிச்சி போடற பதிவு கொஞ்சமாச்சும் நீளமா இருக்கணுமில்ல...

இந்த பெண்கள் அழகு நிலையத்த பாத்திங்கன்னா ஸ்டார் ஹோட்டல் மாதிரியும், ஆண்கள் அழகு(?!)நிலையமெல்லாம் தட்டுவிலாஸ் ஹோட்டல் மாதிரியும்தான் இருக்கும்.

ஒவ்வொரு சலூன்லயும் அங்கங்க வெட்டி கீழ கிடக்கற @#$% (ஹி..ஹி...என் பிளாக் கொஞ்சம் டீஸன்ட்டானது), டிவி, எப்.எம், தமிழ்நாளிதழ்களில் நெ.1(?!) தினத்தந்தி, 20 வருஷத்துக்கு முன்னாடி ஓனரோட தாத்தா கொடுத்த பூர்வீக சொத்தான கத்தி,கத்திரிக்கோல் இதெல்லாம் நீங்க பாக்கலாம்.இப்ப ஏஸி, மியுசிக் சிஸ்டம் எல்லாம் வச்சு அதுக்கு ஆன செலவையும், கரன்ட் பில்லையும் நம்மகிட்டயே வாங்கறாங்க... :(

ஞாயித்துக்கிழமை அன்னிக்கு இன்று ஹேர் கட்டிங் செய்வதற்கு ஏற்ற நாள்ன்னு காலண்டர்ல போடாததுதான் பாக்கி.அன்னிக்குதான் நிறைய கூட்டம். 2 கட்டிங், 3 சேவிங் பண்றதுக்காக என்னை காக்க வச்ச இடைவெளியில் எனக்கு தோன்றிய சந்தேகங்கள்தான் இவை...

கட்டிங் பண்றதுக்கு முன்னாடி நம்ம மேல போத்தற துணிய என்னிக்காவது துவைச்சிருப்பாங்களா..?!(என்னா கப்புடா சாமி)

மூஞ்சில ஸ்ப்ரே பண்ற தண்ணி நல்ல தண்ணியா..?! போர்ல அடிச்ச தண்ணியா..?!

பிளேடு புதுசா போடுவாங்களா..?!

கீறல்,தளும்பு,வெட்டுக்காயம் இல்லாம வேலைய முடிப்பாங்களா..?!

தினத்தந்தி பேப்பர என்னிக்காவது முழுசா படிக்க முடியுமா..?!

கத்திய கழுத்துல வச்சிகிட்டு டிவிய பாத்துகிட்டே வேலை செய்றது, மூஞ்சிய கிட்டக்க வச்சிகிட்டு பல்லு வௌக்காத வாய்ல தொணதொணன்னு அரசியல், சினிமாவைப் பத்தி நம்மகிட்ட விளக்கம், விமர்சனம், கேள்வி கேக்கறது.

சேவ் பண்ணி முடிச்ச பிறகு கூலா இருக்க ஒரு கல்ல மூஞ்சில தேக்கறாங்களே... அது தேயவே தேயாதா..?!

கடைசில மஸாஜ் பண்றேன்ற பேர்ல நம்ம தலையில தட்றது மஸாஜா..?! இல்ல நம்மள அடிக்கறதுக்கு சான்ஸா..?!

இப்டி எல்லாம் இவங்க நம்மள கொடுமைப்படுத்தினாலும் மாசாமாசம் இத செய்லன்னா நம்ம மூஞ்சிய நாமளே பாக்க முடியாது. இவர் ஏன் இந்த விஷயத்த செய்றதே இல்லன்னு என்னிக்காவது யோசிச்சிங்களா..?!

ஹி...ஹி....தெரிஞ்சா சொல்லுங்க...

படங்கள் உதவி : கூகிளார்

பட்டாசு பதிவு..!!

2011-10-27T13:18:00.000+05:30

ஹி..ஹி...இன்னோரு பிளாக்குக்கு வௌம்பரம். இங்க போய்ப்பாருங்க...

ஹேப்பி தீவாளி..!!

2011-10-24T17:02:00.000+05:30

தீபாவளி வரப்போவுது...எல்லாருக்கும் சந்தோஷம் தர்ற பண்டிகை.

இப்ப இருக்கற பசங்க தலையில எண்ணை வைக்கறதே இல்ல...காலையில தூக்கம் கலையறதுக்கு முன்னாடி எழுப்பி விட்டு தலையில சொத்சொத்துன்னு எண்ணைய அடிப்பாங்க பாருங்க...கண்ணெல்லாம் எரியும்.அதுவும் அந்த எண்ணை 5 எண்ணைகள் கலந்ததாம்.ஒரு எண்ணை இல்லைன்னா பசு மாட்டோட கோமியத்தையும் கலந்துப்பாங்க...உவ்வே...ன்னு வருதா..?!மருத்துவ குணம் நிறைந்ததுங்க...

அப்புறம் அந்த தீபாவளிக்குன்னே கண்டுபிடிச்ச இனிப்பு குலோப்ஜாமூன் செய்றதுக்கு நல்ல டேஸ்ட்டா,ஸ்மூத்தா வர்ற கம்பெனியோடது வாங்கணும்ன்னு நினைக்காம யாரு பெரிய பக்கெட்,பேசன் தர்றாங்ன்னு பாத்து வாங்கிட்டு வருவாங்க...ஓடாத கம்பெனிகாரன் இதை ப்ரீயா தந்து வருஷம் ஒருநாள் எல்லா சரக்கையும் ஓட்டிருவான்.கடைசில குலோப்ஜாமூன் உருண்டையா வராது.உதிரியாதான் வரும்.நமக்கு பிச்சுபிச்சு சாப்டறது பிடிக்காது.அப்டியே முழுசா முழுங்குனாதான் பிடிக்கும். இலவசங்கள் தர்றது தமிழ்நாட்டோட பொது மனநிலையாப் போச்சு...முறுக்கு வீட்ல சுடலாமான்னு கேட்டா புரட்சித்தலைவி கூட்டணி கட்சிக்காரங்கள பாக்கற மாதிரியே கேவலமா பாக்குறாங்க.ஸ்வீட் கடைக்காரங்களுக்கு கொண்டாட்டம்தான்.

பட்டாசு வெடிக்கற ஆர்வம் குழந்தைகளுக்கு குறைஞ்சுட்டு வர்ற மாதிரி ஒரு ஃபீலிங்.பாப்பாவுக்கு கம்பிமத்தாப்பு,சங்குசக்கரம்,புஸ்வாணம் எல்லாம் வாங்கியாச்சு...அது என்னங்க MRP 700ரூபாய் போட்ருக்கு.ஆனா,கடையில 195ரூபாய்க்கு தந்தாங்க.அதுலயும் லாபம் இல்லாமலா தருவாங்க..?!உண்மையான ரேட் என்னன்னு தெரியல...மொத்தத்துல காசை கரியாக்குறோம். (வயசாயிடுச்சுன்னா இப்டிலாம் தோணும்)இந்த பட்டாசு வெடிச்சு விழுப்புண்கள் வாங்காதவங்களே இருக்க முடியாது.அதுலயும் போலிகள் இருந்து தொலைக்கும்.ஊசிப்பட்டாசு வெச்சா அது வெடிக்காம சங்குசக்கரம் மாதிரி சுத்தி நம்மள குழப்பும்.ராக்கெட் மேல போய் வெடிக்காம நம்ம வீட்லயோ,அக்கம்பக்கம் இருக்கற நம்ம எதிரிங்க வீட்லயோ போய் வெடிக்கும்.புஸ்வாணம் வச்சா அது ரொம்ப நேரம் பொங்காது.என்ன ஆச்சுன்னு பக்கத்துல போய்ப்பாத்தா நம்ம மூஞ்சில பொங்கும்.அப்புறம் தீபாவளி இல்ல... தீபா"வலி"தான்...

டிவியே வீட்ல இல்லைன்னா அந்த தீபாவளி எப்படி இருக்கும்ன்னு நெனச்சி பாருங்க...முன்னல்லாம் புதுப்படம் போட்டா ஆர்வமா வாய பொளந்து பாத்துகிட்டு இருந்தோம்.இப்ப உலகத்தொலைக்காட்சிகளில முதன்முறையாகன்னு சொன்னாவே அடப்போங்கைய்யா...ன்னு இருக்குது. இந்த படத்த வந்த ஒரு மாசத்துலயே பாத்தாச்சு...(திருட்டு DVD புண்ணியத்துல)ஒரே பேட்டர்ன்தான் பல வருஷமா ஓடிகிட்டு இருக்கு.காலையில் மங்கள இசை,யாராவது சாமியாரோட ஆசி,அப்புறம் புதுப்பாடல்கள்,பட்டிமன்றம்,நடிகர்(அ)நடிகையோட பேட்டி,புதுப்படம், மறுபடியும் பேட்டி,படம்ன்னு ஒரே போர்ர்ர்ர்தான் போங்க...விஜய்டிவி கொஞ்சம் பரவால்ல...இருந்தாலும் அவங்க விளம்பரத்துக்கு நடுவுலதான் நிகழ்ச்சியே போடுவாங்க...அதுதான் பிரச்சினை.

ஒகே..நம்ம கதை போதும்.குழந்தைகளை பாதுகாப்பா வச்சிகிட்டு வெடி வெடிங்க...கண்ல பட்ற போவுது.ஹேப்பி தீவாளி...(ஹி..ஹி..இப்டி சொன்னாதான் தமிழன்னு ஒத்துக்குவாங்க)

www.latestgreetingcards.com

சிற்றுலா

2011-09-25T11:16:00.000+05:30

நான்கு நாட்கள் மேல் ஊர்சுற்றினால் சுற்றுலா.ஒரேநாள் மட்டும் சுற்றினால் சிற்றுலா..ஹி..ஹி..

சேலத்தில் பொழுதைபோக்குவதற்கு சொல்லிக்கொள்ளும்படி எந்த இடமும் இல்லை.மேட்டூர் பக்கத்தில் இருந்தாலும் ஊரில் எந்த ஆறும் ஓடுவதில்லை.எல்லாம் பல கிலோ மீட்டர் தள்ளி ஓடி கடுப்பேற்றுகிறது.இருக்கும் ஒரே ஆறு திருமணிமுத்தாறுதான்.பேருதான் ஆறு.ஆனால்,அதை சாக்கடையாக்கி நாறுகிறது.ஆற்றின் கரையை ஆட்சிமாறி மாறி கட்டிக்கொண்டே இருக்கிறார்கள்.சரி விடுங்கள்...இந்த பதிவில் எதற்கு அரசியல்..?!

சேலத்தில் இருக்கும் கோவில்கள்,ஏற்காடு,அண்ணாபூங்கா,வருடாவருடம் நடக்கும் அரசுப்பொருட்காட்சி என்று இந்த இடங்களில் கூடும் கூட்டத்தை கண்டால் சேலம் மக்களின் பொழுதுபோக்கு இல்லாத ஏக்கம் தெரியும். :(

பராமரிப்புக்காக மின்தடை ஏற்படுத்தும் நாட்கள் வனபோஜனம்(picnic) (நன்றி:கூகிள் ட்ரான்ஸ்லேட்) செல்வதற்கு ஏற்ற நாள்.:)சேலத்திலிருந்து ஆத்தூர் செல்லும் வழியில் உடையாப்பட்டியில் கந்தாஸ்ரமம் என்ற கோவில் உள்ளது.பக்திமான்களுக்கு நல்ல இடம்.இயற்கையை ரசிப்பவர்களுக்கு இன்னும் நல்ல இடம்.

மற்ற கோவில்களில் உள்ளது போல் தட்சணை போடாவிட்டால் முகத்தை காட்டும் அர்ச்சகர்கள் இல்லாமல் கனிவான அர்ச்சகர்கள் உள்ளனர்.உண்டியலும் கிடையாது.தியானம் செய்வதற்கு ஏற்ற மிக அமைதியான இடம்.

தெய்வசிற்பங்கள் மிகவும் நுட்பமாக,அழகாக செய்யப்பட்டுள்ளது.கல்லிலே கலை வண்ணத்தை காணலாம்.மிக பிரம்மாண்ட முறையில் சிலைகளை வடித்துள்ளனர்.தியான மண்டபம் தனியாக உள்ளது.அங்கு சித்தர்கள் மற்றும் ஞானிகளுடைய சிலைகளையும் காணலாம்.கோவிலின் உள்ளே புகைப்படம் எடுக்க அனுமதி இல்லை.வெளித்தோற்றம் மட்டுமே எடுத்தேன்.

உணவுப்பொருட்கள் கொண்டுசென்றால் முன்னோர்களிடமிருந்து காத்துக்கொள்வது அவரவர் சாமார்த்தியம்.

கோவிலின் முகப்புக்கு இடதுபுறம் சற்று கீழே கன்னிமார் கோவிலும்,ஓடையும் உள்ளது.நகரத்தில் இருப்பவர்களின் சோகமான நீச்சல் தெரியாததை பொருட்படுத்தாமல் குதிப்பதற்கு உயரம் குறைவான ஓர் ஓடை உள்ளது.நாங்கள் சென்றிருந்தபோது பள்ளிக்கல்வி பிடிக்காமல் இயற்கைக்கல்வி கற்க வந்திருந்த சில மாணவர்களை பார்த்தோம்.ஹி..ஹி...(அதாங்க ஸ்கூல் கட் அடிக்கறதுன்னு டீஸன்ட் இல்லாம சொல்வாங்களே..)

பெற்றவர்கள் பார்க்காமல் இருந்தால் சரி..!! :)

குடும்பத்துடன் நன்றாக பொழுது கழிந்தது.தண்ணீர் இருக்கும் இடங்களுக்கு(ஆறு,குளம்,கடல்) சென்றால் நம் மனதில் குதூகலம் தோன்றுவதின் உளவியல் காரணம் என்னவென்று தெரியவில்லை.

குடும்பத்துடன் அவ்வப்போது வெளியே செல்வது மனமகிழ்ச்சியையும்,புத்துணர்ச்சியையும் தரவல்லவை.குழந்தைகள் வெளி இடங்களை தொலைக்காட்சிகளை பார்த்து தெரிந்துகொள்வதற்கு பதில் நிஜத்தை பார்த்து அறிந்துகொள்வதற்கும் ஏதுவாக இருக்கும்.புத்தகங்களில் குரங்கு,ஆடு,மாடு என்பதை காட்டுவதை விட நேரில் அவற்றை காணும்போது இன்னும் சிறப்பாக இருக்கும்.

ஆடா,நானா ஒரு கை பார்த்து விடுவோம் என்று ஆட்டிடம் சண்டை போடும் என் செல்ல மகள்...

மாதாமாதம் இதே போன்று வனபோஜனம் செல்லவேண்டும் என்று முடிவெடுத்துள்ளேன்.சேலத்தின் இதுபோன்ற இடங்களை புகைப்படங்களாக பார்ப்பதற்கு தனி வலைப்பூ ஒன்றை தொடங்கியுள்ளேன்.பார்த்து கருத்து தெரிவித்தால் மகிழ்வேன்.

சிறப்பு(சத்தியமா)ஆன்மிகபதிவு..!!

2011-08-31T08:10:00.000+05:30

பிரியாணியும் உண்போம்.கொழுக்கட்டையும் தின்போம். :)

மதநல்லிணக்கம் காண்போம்.

ரம்ஜான் பெருநாள் கொண்டாடும் மார்க்கவழி வாழும்

நண்பர்களுக்கு வாழ்த்துகள்..!! Eid Mubarak

எளியவர்களுக்கெல்லாம் எளியவராய் விளங்கும் விநாயகர் பெரும்பாலும் அரச மரத்தடி, குளக்கரை போன்ற இடங்களில் அமர்ந்துதான் தரிசனம் தருகிறார். இவருக்கு படைக்கப்படும் பொருட்களும் எளிமையானவையே.

கவனிப்பாரற்று காட்டில் பூத்துக் கிடக்கும் எருக்கம் பூ, வாய்க்கால் வரப்புகளில் பரவலாக முளைந்திருக்கும் அறுகம்புல் போன்ற மிக எளிமையான பொருட்களைத் தாம் ஏற்றுக் கொண்டு, தன் பக்தர்களுக்கு அருளை வெள்ளமென பெருக்கி அருள்கிறார். இவருக்கு இருபத்தோரு திருநாமங்கள் உள்ளதாக புராணங்கள் சொல்கின்றன. என்ன அவை?

கணேசன்:

உலக உயிர்களுக்கும், பிரம்மத்துக்கும் தலைவன்.

ஏகதந்தன்:

ஏக எனில் மாயை; தந்தன் எனில் மறைந்திருப்பவன். மாயைக்கு ஆட்படாமல் விலகி நிற்பவன் இவன். ஏகம் என்றால் ஒன்று என்றும் ஒரு பொருள் உண்டு. வியாசர் சொல்லச் சொல்ல, மகாபாரதத்தை, தன் தந்தம் ஒன்றை உடைத்து எழுதியதால், எஞ்சிய ஒரு தந்தத்துடன் விளங்குபவர் என்றும் கொள்ளலாம்.

சிந்தாமணி:

சிந்தை - மனம்; மணி - பிரகாசம். பக்தர் தம் மனதில் அஞ்ஞான இருள் நீக்கி, ஒளி பரவச் செய்பவன்.

விநாயகன்:

வி - நிகரற்ற; நாயகன் - தலைவன். தனக்கு யாரும் நிகரில்லாத தலைவன்.

டுண்டிராஜன்:

மோட்சத்தை அடைய விரும்புவோருக்கு வழிகாட்டுபவர்.

மயூரேசன்:

வணங்காதவரை மாயையில் மூழ்கச் செய்தும், பக்தர்களை மாயை நெருங்காமலும் செய்பவன்.

லம்போதரன்:

உலகினையே உள்ளடக்கியிருப்பதால் பெரிதாகக் காணப்படும் வயிற்றினை உடையவன்.

கஜானனன்:

ஆணவம் எனும் யானையை அடக்கும் வல்லமை உள்ளவன், யானைமுகன்.

ஹேரம்பன்:

ஹே - கஷ்டப்படுபவர்கள். ரம்ப - காப்பவன் ஆகிய பிரம்மன். துன்பப்படுவோரைக் காத்து ரட்சிப்பவன்.

வக்ர துண்டன்:

பக்தர் தம் வாழ்வில் வரும் தீமைகளை தடுப்பவன். பிள்ளையாருக்கு இப்பெயரை அன்னை உமாதேவி வைத்தார்.

ஜேஷ்டராஜன்:

ஜேஷ்டன் - முன்னவன், அனைத்துக்கும் முதல்வனாக, முதற் பொருளாகத் தோன்றி, அனைத்து உயிரினங்களையும் வழிநடத்திச் செல்பவன்.

நிஜஸ்திதி:

உலகில் உள்ள அனைத்து உயிர்களாகவும் இருப்பவன்.

ஆசாபூரன்:

எல்லோரது ஆசைகளையும் நிறைவேறச் செய்பவன். இப்பெயரை கணபதிக்கு சூட்டியவர் புருசுண்டி முனிவர்.

வரதன்:

வேண்டுவோர் வேண்டும் வரமளிப்பவன்.

விகடராஜன்:

மாயையான உலகில், உண்மை பரம்பொருளாகத் திகழ்பவன்.

தரணிதரன்:

பூமியை ஆபரணமாக அணிந்து எப்போதும் காப்பவன்.

சித்தி - புத்தி பதி:

சித்தி எனும் கிரியா சக்திக்கும், புத்தி எனும் இச்சா சக்திக்கும் இடையே அவற்றின் தலைவனாக இருந்து ஞானத்தை அளிப்பவன்.

பிரும்மணஸ்தபதி:

இப்பெயர், பிரம்மாவினால் வைக்கப்பட்டது. பிரும்மம் என்றால் சப்தம். வேத சப்தத்திற்கு ஆதாரமாக விளங்குபவர்.

மாங்கல்யேசர்:

அழியக்கூடிய உலகில், தான் மட்டும் அழியாமலிருந்து அனைத்தையும் பரிபாலிப்பவர்.

சர்வ பூஜ்யர்:

எங்கும் எத்தகைய பூஜைகளிலும், எல்லா தெய்வ வழிபாட்டின் போதும் முன்னதாக பூஜிக்கப்படக்கூடியவர். எல்லோராலும் வணங்கப்படுபவர்.

விக்னராஜன்:

தன்னை வணங்கும் பக்தர்கள் அனைவரது வாழ்விலும் எந்த விக்னமும் ஏற்படாமல் காப்பவர்.

எழுத்தாளருடன் நான்...

2011-08-15T08:28:00.001+05:30

பதிவுலகிலும்,ட்விட்டரிலும்,இன்னபிற சமூகவலைத்தளங்களிலும் உலகமறிந்த(?!) பிரபலமாக நான் இருப்பது ஏற்கனவே நீங்கள் அறிந்த விடயம்.(மறுபடியும் ஆரம்பிச்சிட்டான்யா) அதற்குண்டான வழிமுறைகளை எற்கனவே என் வலைப்பூவில் இட்டு அந்தப்பதிவு பிரபலமானதும் உங்களுக்கு தெரிந்ததே....

பதிவுலகமும்,ட்விட்டரும் எனக்கு பல நண்பர்களை தந்திருக்கிறது.அந்த நண்பர்கள் வட்டத்தில் பல புகழ்பெற்ற எழுத்தாளர்களும் உள்ளனர் என்பது எனக்கு பெருமையளிக்ககூடிய விஷயம்.அதில் ஒருவரான கிழக்கு பதிப்பகத்தில் பல புத்தகங்களை எழுதியவரும்,புகழ்பெற்ற ட்விட்டருமான திரு.என்.சொக்கன் அவர்களை அறியாதவர்கள் எழுத்துலகில் இருக்க வாய்ப்பில்லை.அவர் இந்த வாரத்தில் சேலம் வந்திருக்கும்போது சேலத்திலிருந்து ட்விட்டும் அன்பர்களை சந்திக்க விருப்பம் கொண்டு ட்விட்டரில் தெரிவித்தவுடனே ஆர்வமாக அதை செயல்படுத்தி அந்த சந்திப்பையே ஒரு மாநாடு போல நடத்த பேராவல் கொண்டேன்.ஆனால்,அவரையும் அவர் சகோதரரையும் தவிர்த்து மூன்று பேர் மட்டுமே கலந்து கொண்டதால் மாநாடு நடத்த முடியவில்லை.அடுத்த தடவை முன்னரே அவர் வருவது தெரிந்தால் அதை மாநாடாக நடத்த உறுதி பூண்டுள்ளேன். :)

எழுத்தாளர் என்றவுடன் தமிழ்சினிமா எனக்களித்த கொடையான கணிப்புத்திறனை வைத்து ஒரு முட்டிக்கால் வரை நீளும் ஜிப்பாவும்,அதற்கு மேட்ச்சாக ஒரு வெள்ளை பேண்ட்டும்,விரலைவிட பெரிதான ஒரு இங்க்பேனாவும்,முக்கியமாக ஒரு ஜோல்னாப்பையும்,தடிமனான கருப்புநிற பிரேம் கொண்ட கண்ணாடியும் போட்டுக்கொண்டு வருவார் என்று நினைத்திருந்தால் என் நினைப்பில் மண். ஃபார்மலாக வந்து தமிழ்சினிமாவின் பார்முலாவை உடைத்துவிட்டார் சொக்கன். ஏனென்றால் அவர் சினிமாவே பார்ப்பதில்லையாம். :)

அவருடன் பேசிக்கொண்டிருந்த போது எழுத்தாளர் என்ற பந்தா இல்லாமல் நண்பர்களுடன் பழகுவதுபோல்தான் இருந்தது . கூடவந்த நண்பன் கார்த்தி புண்ணியத்தில் Iphone, Apple, Nokia, Microsoft, Bill gates, Android, Oracle, E-book reader, Kindle, Nook, NHM, SLR, Edu-comp, etc., அவருடைய தமிழ்இலக்கியவலைப்பூ என்று இரண்டு மணி நேரத்தில் இவ்வளவையும் அலசினோம்.மற்ற சேலம் நண்பர்கள் தவறவிட்ட அருமையான சந்திப்பு இது. ஞாயிற்றுக்கிழமை அன்று காதலர்கள் மட்டுமே வரும் சேலம் அண்ணாபூங்காவில் எழுத்தின் மீது கொண்ட காதலால் இந்த சந்திப்பு இனிமையாகவும்,பயனுள்ளதாகவும் அமைந்தது.

சந்திப்பின்போது எடுத்த பிரத்யேக படங்கள் உலக வலைப்பூ வரலாற்றில் முதல்முறையாக உங்கள் சேலம்தேவாவின் வலைப்பூவில் மட்டுமே காணக்கிடைக்கும்.(வேற யாரும் கேமரா எடுத்துட்டு வராதது நல்லதாப்போச்சு)

எஸ்.சொக்கன்,என்.சொக்கன்,ஸ்ரீனிவாசன்,கார்த்திக்

இதில் வலப்புறம் கடைசியில் நான்

அண்ணாபூங்கா முன்பு

சேலத்துக்கு வரும் எழுத்தாளர்கள் ஒரு வாரத்துக்கு முன்பே தெரியப்படுத்தினால் இதுபோன்ற சந்திப்புகளை மாநாடாக நடத்த ஏதுவாக இருக்கும் என்பதை பணிவுடன் தெரிவித்துக்கொள்கிறேன். :)

ஆடித்திருவிழா

2011-08-10T10:04:00.001+05:30

திருவிழாக்கள் பண்டையகாலத்திலிருந்து எல்லா மதத்தினராலும் விதம்விதமாக கொண்டாடப்படுகிறது.திரு என்ற அடைமொழி சேர்த்து விழாக்களுக்கும் மரியாதை கொடுப்பது நமது பண்பாடாக விளங்குகிறது.எதையும் கொண்டாட்டத்துடன் அணுகும் முறை இந்தியர்களுக்கு இயல்பாகவே அமைந்துள்ளது.எப்போதும் பாடுபடும் பாட்டாளிகளுக்காக ஒரு மாறுதல் வேண்டும் என்பதற்காக தெய்வ நம்பிக்கையையும் சேர்த்து திருவிழாக்களை உருவாக்கி வைத்துள்ளனர்.சொந்தங்கள் சேர்வதற்கும்,மனமகிழ்ச்சிக்காகவும்,விழாக்கள் சார்ந்த தொழில் செய்பவர்களுக்கு வருமானத்திற்காகவும் திருவிழாக்களை உருவாக்கி வைத்துள்ளனர் முன்னோர்கள்.திருவிழாக்கள் நடக்கும் ஊர்களின் பண்பாடு,கலாச்சார குறியீடுகளை அறிந்து கொள்ள திருவிழா ஒரு வழியாக இருந்தது.ஸ்ஸ்ஸ்ப்பா...தூக்கம் வருதில்ல..

ஹி.ஹி..தவறி வேற எதாவது வலைப்பூவுக்கு வந்துட்டமோன்னு பயப்படாதீங்க...ஸ்கூல் படிக்கும்போது எதைப்பத்தியாவது கட்டுரை எழுதச்சொன்னா இப்டி பக்கம்பக்கமா அடிச்சி வுடுவேன்.இது ஒரு சாம்பிள்தான்...வேற ஒண்ணுமில்லீங்க.சேலத்துல ஆடித்திருவிழா நடக்குது.பதிவுலக நண்பர்களை சேலம் திருவிழாவுக்கு அன்போடு அழைக்கிறேன்.

கோட்டை மாரியம்மன் கோவில் கோபுரம்

பதினெட்டுபட்டிக்கும்(?!) தலைமை மாரியம்மன் கோட்டை மாரியம்மன் கோவில்ல ஆரம்பிச்சி ஊர்ல எந்த பக்கம் திரும்பினாலும் கோவில்களா இருக்கும்.அதுல எல்லாக் கோவில்லயும் ஆடி மாசம் பண்டிகையா இருக்கும்.அரசுப்பொருட்காட்சி வேற போட்ருக்காங்க.சேலமே ஜெகஜோதியா இருக்கும்.ஒரு வாரத்துக்கு சேலம் ரத்தபூமியா மாறிடும்.முதல்வர் அம்மா இலவசமா கொடுக்கறதுக்கு வெளி மாநிலங்கள்ல ஆடு,மாடு வாங்கறதுக்கு காரணமே சேலம் மக்கள்தான்.ஏன்னா அப்டி தின்னுவோம்.ஹி..ஹி...

சக்திஅழைக்கறதுன்ற பேர்ல ஒருத்தருக்கு காளியாத்தா மூஞ்சி கொண்ட மாஸ்க் எல்லாம் வச்சு எட்டு கை வச்சி அழைச்சுட்டு வருவாங்க.பம்பை மேளத்தோட அவரு ஆடி வரும்போது ஆல் லேடிஸ் சாமி வந்து ஆடுவாங்க.ஒரே பக்திப்பரவசமா இருக்கும்.தலைவர் கவுண்டமணி பூமிதிச்ச கதை உங்களுக்கு தெரியும்.அதுமாதிரி இங்க எல்லாக்கோயில்லயும் மிதிப்பாங்க.அந்தப்பக்கமே போக மாட்டேன்.எவனாவது நம்மள மிதிக்கச்சொல்லிட்டா..?!பூச்சட்டின்னு சொல்லிட்டு நெருப்புசட்டிய தூக்கிட்டு தலையில வச்சிகிட்டு ஆடுவாங்க.உள்ள சுட்டாலும் வெளிய காமிக்காம செமயா டான்ஸ் ஆடுவாங்க.எனக்கு தெரிஞ்சு ஒருத்தருக்கு தலையெல்லாம் வெந்திருக்கு.ஆர்வக்கோளாறுல தலையில சேப்டி பிரிகேசன்ஸ் எல்லாம் பண்ணாம ஆடிட்டாரு.ஹி..ஹி...

அலகு குத்தறதுன்ற பேர்ல நல்ல கூரான வேலை வாய்ல இந்தப்பக்கம் குத்தி அந்தப்பக்கம் இழுத்து அந்த வலியிலயும் டான்ஸ் ஆடிகிட்டு வருவாங்க.ஆட்டோ,ஆம்னிவேன்,ஆட்டுக்கல் இந்தமாதிரி இழுக்க முடிஞ்ச பொருட்களை கயித்துல கட்டி கொக்கி போட்டு முதுகில குத்தி இழுத்துட்டு வருவாங்க...வேண்டுதலாமாம்.புல்டோசர்,லாரி மாதரி பெரிய பொருள்லாம் இழுக்க மாட்டாங்க.ஹி..ஹி...முதுகு கிழிஞ்சிருமுல்ல.வித்தியாசமா வேண்டுதல் நிறைவேத்தறதுல சேலம் வழி எப்பவும் தனிதான்.

வியாழக்கிழமை குகைப்பகுதியில்(சேலத்துல ஒரு ஏரியா) வண்டிவேடிக்கை நடக்கும்.ஒரே வேடிக்கையா இருக்கும்.புராண காட்சிகள்,சாமி வேஷம் எல்லாம் போட்டுகிட்டு பெரிய வண்டிங்க வரும்.சாமிங்க எல்லாம் நமக்கு ஹாய்...சொல்லிட்டு வரும்.டே..பீமா..நல்லா தெம்பா உக்காந்து வாடா...சிவனுக்கு சீக்கு வந்தமாதிரி வர்றான் பாரு...அனுமார் வேஷத்துக்கு அவனுக்கு மேக்கப்பே தேவையில்ல.ஏற்கனவே அந்த மாதிரிதான் இருக்கான்.ராமர் வேஷம் போட்டுகிட்டு எல்லாப்பொண்ணுங்களுக்கும் டாட்டா காட்டிகிட்டு வர்றான் பாரு...இந்தமாதிரி வேஷம் போட்டுகிட்டு வர்றவங்கள செமயா கலாய்ப்பாணுங்க.குசும்பு புடிச்ச (சேலம்) பயலுவ.

இதெல்லாம் பாக்கும்போது பெரியார் அப்பப்ப மைண்ட்ல வந்துட்டு போவாரு.இந்த செலவுகளை ஏதாவது இல்லாத குழந்தைகளுக்கோ,முடியாதவங்களுக்கோ உதவி பண்ணலாம்ன்னு நெனைக்கத்தோணும்.பண்ண மாட்டாங்க...சாமிக்கு கூட அதுதான் பிடிக்கும். பக்தி எனக்கும் இருக்கு. நம்மை மீறிய ஒரு சக்தி நம்மள இயக்குதுன்ற நம்பிக்கை மட்டுமே.மத்ததெல்லாம் மற்றவங்க விருப்பத்துக்காகத்தான் பண்ணிகிட்டு இருக்கோம்.ஆத்திகர்களுக்கு பக்தியாகவும்,நாத்திகர்களுக்கு கேலியாகவும் தோன்றும்.ம்ம்ம்...வளரும் சூழ்நிலைதான் தீர்மானிக்குது.

இதுபோன்ற காட்சிகள்,கலாய்ப்புகளை நேரில் காண வருக.. வருக.. வருக... என அன்போடு அழைப்பது உங்கள் சேலம் தேவா..தேவா..தேவா..ஹி..ஹி... எக்கோ எபக்ட்டோட படிங்க(இதுக்கு ஒண்ணும் குறைச்சல் இல்ல)

சென்னையில் நான்...

2011-07-31T00:13:00.000+05:30

இருங்க.. இருங்க... அவசரப்படாதீங்க. உடனே என்னை நேரில் பார்க்கும் ஆர்வத்துடன் சென்னை வாசகர்கள்(?!) எனக்கு மெயிலவோ,போன் பண்ணவோ ஆரம்பிச்சிராதீங்க.சென்னையில் ஒரு நிகழ்ச்சிக்கு வெள்ளிக்கிழமை வந்துட்டு ஊர் திரும்பிட்டேன்.எனக்கு எங்க தலைவர் வெங்கட் மாதிரி பப்ளிகுட்டி பிடிக்காது.

சென்னை நந்தம்பாக்கம் டிரேட்சென்டரில் பைசெல் நிறுவனத்தாரால் வருடாவருடம் நடத்தப்படும் அகில உலக புகைப்படகண்காட்சிக்கு என்னை சிறப்பு விருந்தினராக அழைக்காவிட்டாலும் நானாகவே போய்டுவேன்.ஹி..ஹி...நாளைக்கு ஒரு நாள்தான்(ஞாயிற்றுக்கிழமை) நடக்கும். நேரமிருந்தா போய் பாருங்க வாசகர்களே..!!சினிமாவுக்கு பயன்படுத்தப்படும் கேமராக்கள்,உபகரணங்களை நேரில் பார்க்கலாம்.

சேலத்துலருந்து சென்னைக்கு ஓட்டிகிட்டு இருந்த ப்ளைட் வேற கேன்சல் பண்ணிட்டாங்க...ஆன்லைன்ல ரயில் டிக்கெட் புக் பண்றதுக்கு ஸ்பெஷல் கோர்ஸ் படிக்கணும் போல...அதனால பஸ்ல வரவேண்டியதா போச்சு.

ஊராங்க அது. எங்க பாத்தாலும் ஒரே மக்கள்கூட்டம்.அதுக்கு மேல ஆட்டோ கூட்டம்.கண்ண கட்டி கண்மாய்ல தள்ளிவிட்டமாதிரி இருந்துச்சு.அங்க வண்டி ஓட்டணும்ன்னா தியானவகுப்புக்கெல்லாம் போயிருக்கணும்.இல்லைன்னா டென்சன்ல BP எகிறிடும்.சேலத்துலதான் ஆட்டோ அதிகம்ன்னு நெனச்சா சென்னையில...அடேங்கப்பா...மெட்ரோ ரயிலுக்காக அங்கங்க டிராபிக் திருப்பிவிட்ருக்காங்களாம்.ஆட்டோக்காரர் வேஸ்ட் திட்டம்ன்னு திட்னாரு.என்ன கடுப்போ..?!

அடுத்த தடவை வந்தா மேப்போடதான் வரணும்ன்னு முடிவு பண்ணிட்டேன்.திருப்பதி போய் லட்டு வாங்காம வரக்கூடாதோ அது மாதிரி சென்னைக்கு போய்ட்டு தி.நகர் போகாம வரக்கூடாது.ஹி.ஹி.. என்னா கூட்டம்.அங்காடித்தெரு படம் எந்த கடையில எடுத்துருப்பாங்கன்னு தெரியல.கடையில வேல பாக்கற யார பாத்தாலும் அந்த படம் ஞாபகத்துக்கு வந்து இம்சை பண்ணிச்சு.

அடுத்த தடவை சென்னை வரும்போது கண்டிப்பா உங்களுக்காக நேரம் ஒதுக்கி அனைவரையும் சந்திப்பேன் என்பதை மிக்க மகிழ்ச்சியுடன் தெரிவித்து கொல்கிறேன்.ச்சீ..கொள்கிறேன்.

சென்னை வாசகர்கள் சென்னையை சுற்றிப்பார்ப்பதற்கு உதவி செய்யும் இணையதளத்தை பின்னூட்டத்தில் பகிர்ந்தால் மற்ற ஊர் வாசகர்கள் பயனடைவார்கள்.ஹி..ஹி... நானும்தான்.

தெய்வத்திருமகள்..!

2011-07-27T16:47:00.000+05:30

கண்ணு பட்ருமுல்ல... அதனால கோட்டோவியம்.

போன வருஷம் இதே நாளில் என் மகள் பிறந்தநாள்.கூடவே உங்களுக்கு ஒரு தொல்லையும் பொறந்துச்சு..ஹி.ஹி.. நான் பிளாக் எழுத ஆரம்பிச்சத சொன்னேன்.

எங்கேயோ படித்த ஞாபகம்.ஒரு வரி நாம் எழுதுவதாக இருந்தால் நான்கு வரிகளை படித்திருக்கவேண்டுமாம்.நான் ஃபாலோ பண்றவங்க லிஸ்ட்ட பாத்தீங்கன்னா தெரியும் நான் ஏன் அதிகம் எழுதறதில்லைன்னு..அவ்ளோ பேரையும் படிச்சிட்டே இருந்தா எங்க எழுதறது..?! இப்டியே போனா நம்ம பிளாக்க கூகிளார் இழுத்து மூடிடுவாருன்னுதான் இந்த பதிவு.ஏன்னா...நம்மளயும் நம்ம்ம்ம்ப்ப்பி ஒரு 73 பேர் பின்தொடர்றத நெனச்சா தெய்வத்திருமகள் படம் பாத்து அழுதத விட அதிகமா அழுகை வருது.

இன்னிக்கு என்னோட தெய்வத்திருமகளோட பர்த்டே...நாட்ல (கேக்) விலைவாசி எவ்ளோ ஏறிப்போச்சு. அம்மா ஆட்சிக்கு வந்தும் இதெல்லாம் கண்டுக்க மாட்றாங்களே...தேன்கூட்ல கைய வச்ச மாதிரி சமச்சீர் கல்வி திட்டத்த அமுல்படுத்தறதுல சொதப்பி பெத்தவங்க வயித்தெரிச்சல வாங்கி கட்டிகிட்டாங்க.யாரை குத்தம் சொல்றதுன்னே தெரியல..என் பொண்ணுக்கு ஒரு வயசு இன்னிக்கு.ஸ்கூல் சேத்தறதுக்குள்ள ஒரு நல்ல முடிவா எடுத்துட்டா பரவால்ல...ஹி..ஹி... ஒவ்வொரு மனுசனுக்கு ஒவ்வொரு பீலிங். வந்ததும் வந்தீங்க.. வாழ்த்திட்டு போங்க... என்ன இல்லீங்க... என் மகளை..!!

மிஸ் பண்ணாம மிஸ்டுகால் கொடுங்க..!!

2011-06-16T15:03:00.000+05:30

போனைக் கண்டுபிடித்தவனுக்கு மிஸ்டுகாலைப் பற்றி சொல்லிக்கொடுத்த நமக்கு ஒரு சிறந்த வாய்ப்பு.வழக்கமா நாம மிஸ்டுகால் கொடுத்தா எதிர்ல இருக்கறவங்ககிட்ட கன்னா பின்னான்னு திட்டு வாங்குவோம்.

ஆனா, இப்ப நாம கொடுக்கப்போற மிஸ்டுகாலால நம்ம சந்ததியினருக்கு நல்லது நடக்க வாய்ப்பிருக்கு என்று நெனைக்கிறேன்.

ஊழலுக்கு எதிரா சட்டம் இயற்ற சொல்லி உண்ணாவிரதம் இருந்த அன்னாஹசாரே,பாபா ராம்தேவைப் பற்றி எல்லாம் படிச்சிருப்பீங்க...நிம்மதியா உண்ணாவிரதம் கூட இருக்க விட மாட்றானுங்க.காந்திய வழியில உண்ணாவிரதம் இருந்தா அவரோட காங்கிரஸ் கட்சிகாரங்களே போலீஸை வச்சி அடிக்கிறாங்க...என்ன கொடுமை இது..?!

இப்ப புதுசா அந்த சட்டத்த தட்டி கழிக்க ஒரு திட்டம் கொண்டு வந்திருக்காங்க.ஊழல் ஒழிப்பு மற்றும் வெளிநாடுகளில் இருக்கும் நம் நாட்டு கருப்பு பணத்தை மீட்பதற்குண்டான சட்டத்தை இயற்ற மக்களின் ஆதரவை சோதிக்கறாங்களாமாம். 02261550789 இந்த எண்ணுக்கு குறைஞ்சது 25 கோடிபேராவது மிஸ்டுகால் கொடுத்தா சட்டம் இயற்ற அடுத்த முயற்சி எடுப்பாங்களாம்.ஓட்டு போடறதுக்கு லீவு கொடுத்தாலும் இன்னும் 70,80 சதவீதத்தை தொட முடியல...இதுவாச்சும் செஞ்சு பாப்பமே..!! மிஸ்டுகால் கொடுக்கறதுதான் நமக்கு கைவந்த கலையாச்சே..!! ஹி.ஹி..

நம்ம இத்தன வருஷம் ஓட்டு போட்டே ஒண்ணும் நடக்கல..இது மட்டும் நடந்திருமான்னு சந்தேகப்படாதீங்க.எல்லாம் ஒரு நம்பிக்கைதான்.காசெல்லாம் இல்ல.ப்ரீதான்..செக் பண்ணிட்டேன்.ஹி.ஹி..

அரசியல்வாதிகளுக்கும்,மந்திரிகளுக்கும் எச்சரிக்கை..!!

2011-05-30T06:58:00.001+05:30

கீழ எழுதியிருக்கறத படிக்காம எதுவும் தப்பா முடிவு பண்ணி லாரி, ஆட்டோ, இத்யாதி.. இத்யாதி.. எதுவும் அனுப்பிச்சிராதீங்க...நான் பச்சப்பயபுள்ள...

ஒரு மாஜி மந்திரியின் பகல்

எத்தனை நேரம்தான் விட்டம் பார்ப்பேன்.

விடிந்துவிட்டதென்று வெளிச்சம் சொல்கிறது.

ஆனால்,என்னை மட்டும் இரவு விட்டுவிட்டு விடிகிறது.

மீண்டும் புரண்டு படுக்கிறேன்.

நன்றி..படுக்கையே நன்றி.

என்னை நிராகரியாதிருப்பது நீ மட்டும்தான்.

கடிகாரம் பார்க்கிறேன்.

அதுவும் நின்று போய்எனது

நிகழ்காலம் காட்டுகிறது.

மணி ஒன்பது...

பழைய கணக்கில் இது

பார்வையாளர் நேரம்.

இப்போது...

பால்காரன்,பத்திரிகை பையன் தவிர

புதிதென யாரும் உள்ளே வருவதில்லை.

பத்திரிகை பார்க்கிறேன்.

ஒரு பத்திரிகையிலும் உயிர் இல்லை.

காரணம்... என் பெயர் இல்லை.

எந்த அணியில் இருக்கிறேன்..?!

எனக்கே தெரியவில்லை.

இனிமேல்,கட்சிக்கு

பன்றி சின்னம்தான் கேட்க வேண்டும்.

அதுதானே பலகுட்டி போடுகிறது.

அந்த வேலைக்காரன்

என் தேநீர்க்கோப்பையை

சட்டென்று வைக்கும்

சப்தம் சரியில்லையே..!!

அது,என் மீது அவன் நிறைவேற்றும்

நம்பிக்கை இல்லா தீர்மானத்தின் நகலா..?!

என் மனைவி கூட கட்சிகாரி ஆகிவிட்டாள்.

என்னை அவள் பார்ப்பது

எப்போதோ ஒருமுறைதான்.

நேற்றுவரை குதிரை மேல் சவாரி.

இன்று...நத்தைக்கூட்டின் மேல் அம்பாரி.

ச்சே..நாக்கு துருப்பிடித்து விட்டது.

சாயங்காலமானால் கச்சேரிக் காய்ச்சல்.

அடிக்கடி தோள்களில் அரிப்பு.

டாக்டரை பார்த்தேன்.

ஒரே மருந்தை மும்முறை எழுதினார்.

மாலை.. மாலை.. மாலை.

போனவாரம் ரகசியமாய் ஒரு

இலக்கியக்கூட்டம் போயிருந்தேன்.

என் பினாமிகளைப் போலவே

எவனும் வரவில்லை.

வாசலில் வைத்த கற்கண்டை

மொய்க்க கூட ஈ இல்லை.

பிறகு பத்துபேர் வந்ததில் அவை நிறைந்தது.

யோசித்தேன்...

பணக்காரன் பின்னால் பத்து பேர்

பைத்தியக்காரன் பின்னால் பத்து பேர்

இனிமேல் நான்...

பணக்காரனா..?!

பைத்தியக்காரனா..?!

ஐப்பசி வானமாய் எப்போதும் முணுமுணுக்கும்

என் வீட்டு தொலைபேசி

இப்போது..வைகாசி வானமாய் மௌனித்து விட்டது.

நானே அழைக்கிறேன்.

இப்போதுதான் இந்தியாவில்

எப்போதும் குளிக்கிறார்கள்.

காது பிளக்கும்

தனிமையின் இரைச்சலில்

கண்மூடி சிந்திக்கிறேன்.

என்னை நேசிக்க ஊருக்கு உத்தரவிட்டேன்.

நான் யாரை நேசித்தேன்..?!

சுற்றி சுவர் எழுப்பி

நானும் சுவரானேன்.

முடிவுக்கு வந்துவிட்டேன்

எதிர்கால திட்டம்

இன்னொரு முறை மந்திரியாவதல்ல...

இனியேனும் மனிதனாவது.

வைரமுத்துவின் இந்த வைர வரிகள் அனைத்து கட்சி பாகுபாடில்லாம எல்லா அரசியல்வியாதிகளுக்கும் பொருந்தும்.

மக்கள் சேவையே மகேசன் சேவைன்னு சொல்வாங்க...புரிஞ்சிகிட்டா சரி.

சிறப்பு பரிசு

இந்த பதிவைப்பற்றி பின்னூட்டம் இடுபவர்களுக்கு வைரமுத்து அவர்களின் குரலில் A.R.ரஹ்மான் இசையில் வந்த தேன் வந்து பாயுது ஆடியோ வடிவிலான கவிதை தொகுப்பின் இணைப்பு வழங்கப்படும். முன்னால் வருபவர்களுக்கே முன்னுரிமை..!!ஹி.ஹி..

ஹீம்ம்...பிளாக்குக்கு எப்படியெல்லாம் வர வைக்க வேண்டி இருக்கு..!!

வாழ்த்து சொன்னது ஒரு குத்தமா..?!

2011-04-14T10:50:00.001+05:30

சித்திரை திருநாள் அன்னிக்கு பெரிய பெரிய தலைவர்கள் எல்லாம் வாழ்த்து சொல்றாங்களே...நண்பர்கள் பலர் பேஸ்புக்கிலும்,பஸ்ஸிலும்,ட்விட்டரிலும் தமிழ்புத்தாண்டு வாழ்த்துகள் சொல்லியிருக்காங்களேன்னு நாமளும் சொல்லி வைப்போம்ன்னுட்டு தெரியாம நானும் எல்லாத்திலயும் தீயா வேலை செஞ்சு வாழ்த்து சொன்னேன்.

அதுக்கு பஸ்ஸில்(Google Buzz) அம்ஜத்கான் என்கிற நண்பர் ஒரு சின்ன(?!)விளக்கம் கொடுத்திருக்காரு பாருங்க...அழுதுட்டேன்.இனிமே எதைப்பத்தியும் முழுசா தெரியாம யாருக்கும் வாழ்த்து சொல்லக்கூடாதுன்னு முடிவு பண்ணிட்டேன்.அவ்வ்வ்வ்வ்.....

விளக்கம் கீழே.

சித்திரை மாதத்தில் ‘பிறப்பதாகச்’ சொல்லப்படும் இந்த ஆண்டுப்

பிறப்புத்தான் தமிழர்களின் புத்தாண்டா?

வரலாற்று உண்மைகளையும், ஆய்வுகளையும் தர்க்கரீதியாகச் சிந்தித்துப்

பார்ப்பதுதான் இந்தக் கட்டுரையின் நோக்கமாகும். அத்துடன் பண்டைத்

தமிழரின் ‘காலக் கணக்கு’ முறை குறித்தும் கருத்தில் கொள்ள

விழைகின்றோம்.

இப்போது வழக்கத்தில் உள்ள ஆண்டுக் கணக்கு முறையைக் கவனத்தில்

எடுத்துக் கொண்டால் அது பற்சக்கர முறையில் உள்ளதைக் கவனிக்கலாம்

இந்த அறுபது ஆண்டுகளுக்கும் பரபவ முதல் அட்சய என்று

அறுபது பெயர்கள் இருக்கின்றன.

இந்த அறுபது ஆண்டுகளின் பெயரில் ஒரு பெயர் கூடத் தமிழ்ப் பெயர் இல்லை!

இந்த

முறை வடநாட்டு மன்னனான சாலிவாகனன் என்பவனால் கிறிஸ்துவுக்கு பின் 78ம்

ஆண்டில் வடநாட்டில் ஏற்படுத்தப்பட்டது என்று வரலாற்று ஆசிரியர்கள்

கூறுவார்கள். கனிஷ்கன் என்ற அரசனாலும் இது ஏற்படுத்தப்பட்டது என்று

கூறுவோரும் உண்டு

பின்னர் தென்னாட்டில் ஆரியர்களின் ஊடுருவலால்,

ஆட்சியால் இந்த ஆண்டு முறை படிப்படியாக பரப்பப்பட்டு நிலை

நிறுத்தப்பட்டுள்ளது

எந்த ஓர் இனத்தவரின் ஆட்சி ஒரு நாட்டில்

நிறுத்தப்படுகின்றதோ அந்த இனத்தவரின் பழக்க வழக்கங்கள், பண்பாடுகள்,

கலைகள் போன்றவை அந்த நாட்டினரின் பழக்க வழக்கங்களோடு கலந்து விடுவது

இயல்பு. அந்த வகையில் இந்தச் சாலிவாகன முறை பின்னர் மெல்ல மெல்ல நடை

முறைப் பழக்கத்திற்கு வந்து விட்டது. அறுபது ஆண்டு பற்சக்கர முறை

காரணமாக ஆரியர்களிடையே அறுபது வயது நிரம்பியவர்கள் சஷ்டி பூர்த்தி என்ற

அறுபதாண்டு விழாவைக் கொண்டாடும் வழமையும் இருக்கின்றது.

மேலும் இந்த அறுபது ஆண்டு முறையைப் புகுத்திய ஆரியத்தின் விளக்கமும்

மிகுந்த ஆபாசம் நிறைந்த பொருள் கொண்டதாகும். அபிதான சிந்தாமணி என்ற

நூலில் 1392ம் பக்கத்தில் கீழ்வருமாறு குறிப்பிடப்படுகின்றது.

“ஒருமுறை நாரதமுனிவர், கிருஷ்ணமூர்த்தியை ‘நீர் அறுபதினாயிரம்

கோபிகைகளுடன் கூடி இருக்கின்றீரே, எனக்கு ஒரு கன்னிகையாவது தரலாகாதா?’

என்று கேட்டார். அதற்குக் கண்ணன், ‘நான் இல்லாத பெண்ணை வரிக்க’

என்றான். இதற்கு நாரதர் உடன்பட்டு அறுபதினாயிரம் வீடுகளிலும் சென்று

பார்த்தார். ஆனால் எங்கும் கண்ணன் இல்லாத பெண்களைக் காண முடியாததால்,

நாரதர் மீண்டும் கண்ணனிடமே வந்து அவர் திருமேனியில் மையல் கொண்டு அவரை

நோக்கி ‘நான் தேவரீரிடம் பெண்ணாக இருந்து ரமிக்க எண்ணம் கொண்டேன்’

என்றார். கண்ணன் நாரதரை யமுனையில் ஸ்நானம் செய்ய ஏவ, நாரதர் அவ்வாறே

செய்து, ஓர் அழகுள்ள பெண்ணாக மாறினார். இவருடன் கண்ணன் அறுபது வருடம்

கூடி, அறுபது குமாரர்களைப் பெற்றார். அவர்கள் ‘பிரபவ முதல் அட்சய’

இறுதியானவர்களாம். இவர்கள் வருஷமாகும் பதம் பெற்றார்கள்.”

மேல்நாட்டு அறிஞர் சிலேட்டர் என்பவர் தமிழருடைய

வானநூற் கணித முறையே வழக்கில் உள்ள எல்லாக் கணிதங்களிலும் நிதானமானது

என்று கூறியுள்ளார்

தொல்காப்பியத்திலும், சங்க நூல்களிலும் காணப்படும்

வானியற் செய்திகள் உருப்பெற்றமைக்கு பல்லாயிரமாண்டுகள்

பிடித்திருக்கும் என்பதில் சந்தேகமில்லை

ஆரியர் ஊடுருவலுக்கு

முன்னரேயே தமிழர்கள், வானியலில் அரும் பெரிய அளவில் முன்னேறி இருந்தனர்

என்று அறிஞர்கள் கூறுகின்றார்கள். தமிழகத்துப் பரதவர்கள் திங்களின்

நிலையைக் கொண்டு சந்திரமானக் காலத்தை கணித்தனர் என்றும், தமிழகத்து

உழவர்கள் சூரியன், திங்கள் ஆகியவற்றின் இயக்கத்தையும், பருவங்களையும்

அறிந்திருந்தனர் என்றும் ஆய்வுகள் தெரிவிக்கின்றன.

தமிழகத்தில் வானியலில் வல்ல அறிஞர்களை ‘அறிவர், கணி, கணியன்’ என

அழைத்தார்கள். அரசனுடைய அவையில் பெருங்கணிகள் இருந்ததாகச்

சிலப்பதிகாரம் கூறுகின்றது. மூவகைக் காலமும் நெறியினாற்றும்

‘அறிவர்கள்’ குறித்துத் தொல்காப்பியரும் குறிப்பிடுகின்றார்.

அதாவது பண்டைக் காலத் தமிழர்களது ஒரு நாட் பொழுதின் அறுபது நாழிகைகள்

என்பன தற்போதைய கணக்கீடான 1440 நிமிடங்களோடு - அதாவது 24

மணித்தியாலங்களோடு - அச்சொட்டாகப் பொருந்துகின்றன. தமிழர்கள் ஒரு நாட்

பொழுதை, தற்போதைய நவீன காலத்தையும் விட, அன்றே மிக நுட்பமாகக் கணித்து

வைத்திருந்தார்கள் என்பதே உண்மையுமாகும்.

பின்னாளில் வந்த ஆரியர்கள் ஓர் ஆண்டை நான்கு பருவங்களாக மட்டும்தான்

வகுத்தார்கள். ஆனால் பண்டைக்காலத் தமிழர்களோ, தமக்குரிய ஆண்டை, அந்த

ஆண்டுக்குரிய தமது வாழ்வை, ஆறு பருவங்களாக வகுத்திருந்தார்கள்.

காலத்தை, அறுபது நாழிகைகைளாகவும், ஆறு சிறு பொழுதுகளாகவும், ஆறு

பருவங்களாகவும் பகுத்த பண்டைத் தமிழன் தன்னுடைய புத்தாண்டு வாழ்வை

இளவேனிற் காலத்தில்தான் தொடங்குகின்றான். இங்கே ஒரு மிக முக்கியமான

விடயத்தை வாசகர்கள் கருத்தில் கொள்ள வேண்டும்! பண்பாட்டுப் பெருமை

கொண்ட மற்றைய பல இனத்தவர்களும், தங்களுடைய புத்தாண்டு வாழ்வை,

தங்களுடைய இளவேனிற் காலங்களில்தான் ஆரம்பிக்கின்றார்கள். தமிழர்கள்

மட்டுமல்ல, சீனர்களும், ஜப்பானியர்களும், கொரியர்களும்,

மஞ்சூரியர்களும் என, பல கோடி இன மக்கள் - தொன்மையான பண்பாட்டு

வாழ்வினைக் கொண்ட பெருமை வாய்ந்த மக்கள்- தங்களுடைய இளவேனிற் காலத்தையே

தமது புத்தாண்டாகக் கொண்டாடி வருகின்றார்கள்.

இன்றும் கூட ஆரியர்களின் சித்திரை

வருடப்பிறப்பு, பண்டிகை, தன் இனத்துப் பண்டிகைகளாக

எண்ணி மயங்கிப் போய்க் கிடக்கின்றான் தமிழன்.

“தமிழனுக்கு தைத்திங்கள் முதல் நாள் தான் தமிழ்ப் புத்தாண்டு ஆகும்.”

பொங்கல் திருநாள் தமிழரின் தனிப்பெரும் திருநாள் ஆகும்.

பொங்கல் திருநாளைத் தமிழர்கள் ‘புதுநாள்’ என்று அழைத்தார்கள். பொங்கல்

திருநாளுக்கு முதல் நாளை, போகி (போக்கி) என்று அழைத்தார்கள். போகி

என்பது, போக்கு - போதல் என்பதாகும். (ஓர் ஆண்டைப் போக்கியது- போகியது-

போகி) பொங்கல் என்பது பொங்குதல் - ஆக்குதல். இது தொழிற் பெயர்.

புத்தொளி, பொங்கல் என ஆகுபெயர் ஆகியுள்ளது.

‘தை பிறந்தால் வழி பிறக்கும்’ என்ற முதுமொழியை ‘புத்தாண்டு வந்தால்

புதுவாழ்வு மலரும்’ -என்ற கருத்தோடு ஒப்பு நோக்கிப் பார்க்க வேண்டும்.

தமிழர்-யப்பானிய பண்பாட்டு ஒற்றுமை நிலையை வெளிப்படுத்தும்

நடைமுறையாகத் தைப்பொங்கல் விளங்குகிறது. யப்பானியர் தை 14ம் திகதி

அன்று பழைய பயன்பாட்டுப் பொருட்களை எரிப்பார்கள். தமிழர்களும் அவ்வாறே

செய்கின்றார்கள்.

இந்தக் கட்டுரைக்குப் பல நூல்களும், ஆய்வுநூல்களும் பயன்பட்டன.

முக்கியமாகத் தொல்காப்பியம், சிலப்பதிகாரம், தமிழர் நாகரிகமும்

பண்பாடும, ஒப்பியன் மொழி நூல், வாக்கிய பஞ்சாங்கம், பண்பாட்டுக்

கட்டுரைகள், செம்பருத்தி சஞ்சிகைக் கட்டுரைகள், பொங்கலே தமிழ்ப்

புத்தாண்டு- மலேசிய சிறப்பு மலர், தமிழர் யப்பானியர் வாழ்வில்

தைப்பொங்கல் போன்ற நூல்கள் பேருதவி புரிந்தன. சில சொல்லாக்கங்களும்

சொல்லாடல்களும் அப்படியே எடுத்தாளப்பட்டுள்ளன.

தையே முதற்றிங்கள் தை முதலே ஆண்டு முதல்

பத்தன்று நூறன்று பன்னூ றன்று

பல்லாயி ரத்தாண்டாய்த் தமிழர் வாழ்வில்

புத்தாண்டு, தைம் முதல் நாள், பொங்கல் நன்னாள்

நித்திரையில் இருக்கும் தமிழா.

சித்திரை அல்ல உனக்குத் தமிழ்ப் புத்தாண்டு

அண்டிப் பிழைக்க வந்த ஆரியக் கூட்டம் காட்டியதே

அறிவுக்கு ஒவ்வாத அறுபது ஆண்டுகள்

தரணி ஆண்ட தமிழர்க்கு

தை முதல் நாளே தமிழ்ப் புத்தாண்டு. -பாவேந்தர்

இலக்கியங்களில் தமிழ் திங்கள்கள்

தேவாரம்

சிகரத்துஇடை இளவெண்பிறை வைத்தான் இடம், தெரியில்---

முகரத்துஇடை முத்தின்(ன்) ஒளி பவளத்திரள், ஓதம்,

தகரத்துஇடை தாழைத்திரள் ஞாழல்-திரள், நீழல்,

மகரத்தொடு சுறவம், கொணர்ந்து எற்றும் மறைக்காடே.

ஆரிய முட்டாள்களின் ஆண்டு முறையை(சித்திரை) பின்பற்றும் முட்டாள் கூட்டம் கூறும் காரனப்படி பார்த்தாலும் யாரும் ஒரு துவக்கத்தை உச்சியில்துவக்குவதில்லை.

ஒரு நாள் பொழுது துவங்கும் பொழுது ஞாயிறு உச்சியில் இருக்கும் பொழுதுதுவக்குவதில்லை. மாறாக ஒரு நாள் நள்ளிரவில் துவங்கி சிறிது சிறிதாக விடியத்துவங்கி அரை நாள் முடியும் பொழுது ஞாயிறு உச்சிக்கு வருகின்றது. மீதும் ஞாயிறு சிறிது சிறிதாக மறையத் துவங்கி நள்ளிரவில் அந்த நாள் முடிவடைகின்றது. அது போலவே ஆண்டும் ஞாயிறு உச்சியில் இருக்கும் பொழுது துவங்குவதில்லை. உலகில் எந்த இனமும் கொடும் கோடை காலத்தில் தங்கள் ஆண்டினை துவங்குவதில்லை.

உலகின் முதன்மையாக தோன்றிய இனங்களுள் முதன்நிலை பெறும் தமிழ் மொழி தமிழர் இனம் தமிழர் நாகரீகம் என்பவற்றின் தாயகம் குமரிக்கண்டம் என்றே தொல்பொருள்வல்லுநர்கள் தமது ஆய்வுகளின் மூலம் நிறுவியுள்ளனர்.

பண்டைத் தமிழன் இயற்கையை வணங்கி வந்தவன். ‘மழை, வெயில்,குளிர், பனி, தென்றல்,வாடை’ இவை மாறி மாறிப் பருவக் காலங்கள் மனிதனை ஆண்டு வந்ததால் தமிழன்ஆண்டு என்று அழைத்தான். என திரு. வெங்கட்ராமன் குறிப்பிடுகின்றார். மேல்நாட்டு அறிஞர் சிலேட்டர்என்பவர் தமிழருடைய வானநூற் கணித முறையே வழக்கில் உள்ள எல்லாக் கணிதங்களிலும் நிதானமானது என்று கூறியுள்ளார். தொல்காப்பியத்திலும், சங்கநூல்களிலும் காணப்படும் வானியற் செய்திகள் உருப்பெற்றமைக்கு பல்லாயிரமாண்டுகள் பிடித்திருக்கும். ஆரியர் ஊடுருவலுக்கு முன்னரே தமிழர்கள் வானியலில் அரும் பெரிய அளவில் முன்னேறி இருந்தனர் என்று அறிஞர்கள் கூறுகின்றார்கள். தமிழகத்துப்பரதவர்கள் திங்களின் நிலையைக் கொண்டு சந்திரமானக் காலத்தை கணித்தனர் என்றும்,தமிழகத்து உழவர்கள் சூரியன், திங்கள்ஆகியவற்றின் இயக்கத்தையும் பருவங்களையும் அறிந்திருந்தனர் என்றும் ஆய்வுகள் தெரிவிக்கின்றன.

தமிழகத்தில் வானியலாளர்களை ‘அறிவர், கணி, கணியன்’ என்றெல்லாம் அழைக்கப்பட்டுள்ளது. அரசனுடைய அவையில் பெருங்கணிகள் இருந்ததாகச்சிலப்பதிகாரம் கூறுகின்றது. மூவகைக் காலமும் நெறியினாற்றும் "அறிவர்கள்" குறித்துத்தொல்காப்பியரும் குறிப்பிடுகின்றார்.

பண்டையத் தமிழர்கள் இயற்கையை ஆதாரமாகக் கொண்டு, காலத்தைப் பகுத்தனர்.

"வைகறை, காலை, நண்பகல், எற்பாடு, மாலை, யாமம்" என்று ஒரு நாளை ஆறு சிறு பொழுதுகளாக பகுத்திருந்தனர். அந்த ஆறு சிறு பொழுதுகளின் தொகுப்பை அறுபது நாழிகைகள் எனவும் பகுத்துக் கணக்கிட்டார்கள். அதாவது ஒரு நாளில் ஆறு சிறு பொழுதுகள் உள்ளன. அந்த ஆறு சிறு பொழுதுகள் கழிவதற்கு அறுபது நாழிகைள் எடுக்கின்றன.

நாழிகை

24 நிமிடங்கள்

நாழிகை

1440 நிமிடங்கள்

இதனை இன்றைய கிருத்தவ கணக்கீட்டின் படி பார்த்தால்

1440

நிமிடங்கள்

24 மணித்தியாலங்கள்

மணித்தியாலங்கள்

1 நாள்

இவ்வாறு இன்றைய நவீன காலக் கணிப்பீட்டு முறையுடன் அச்சொட்டாகப் பொருந்தும் வகையில், பண்டையத் தமிழரின் காலக் கணிப்பீட்டு முறைமை மிகவும் நுட்பமாகக் கணிக்கப்பட்டுள்ளது.

நாட்களை இவ்வாறு கணக்கிட்டத் தமிழன்;

காலத்தை ஆறு பருவங்களாகப் பகுத்தான்.

இளவேனில்

தை - மாசி மாதங்கள்

முதுவேனில்

பங்குனி - சித்திரை மாதங்கள்

கார்

வைகாசி – ஆனி மாதங்கள்

கூதிர்

ஆடி - ஆவணி மாதங்கள்

முன்பனி

புரட்டாசி – ஐப்பசி மாதங்கள்

பின்பனி

–

கார்த்திகை - மார்கழி மாதங்கள்

பண்டையத் தமிழர் தம் தாய் மொழியாக தமிழையும் தமது நாகரீகத்தையும் தம் இன அடையாளங்களையும் பேணி வந்த அதேவேளை, தமது நாகரீகத்தின் அடையாளமாககாலக்கணிப்பீடுகளையும் சரியாக மதிப்பீடு செய்து தமது வாழ்வியல் கூறுகளையும் நிர்ணயம் செய்து கொண்டனர் என அலெக்ஸ்ராண்டர்-கோண்டிரடோஸ், எஸ்.ஜி.வெல்ஸ்போன்ற மெய்யியலாளர்கள் தமிழர்களின் பூர்வீகத்தை உறுதி செய்துள்ளனர்.

இந்த மெய்யியலாளர்களின் கருத்துப்படி ஆதிக்குடியினரான உலகின் மூத்த தமிழ்க் குடியினர், அவர்களது மொழி மற்றும் வாழ்வியல் கூறுகளை பூமியின் சுழற்சியை சரியாக மதிப்பிட்டும், இயற்கையை ஆதாரமாகக் கொண்டு காலத்தைப் பகுத்தும் தமது காலக் கணிப்பீட்டு முறைமைகளை உருவாக்கியவர்களாவர்.

காலத்தை, அறுபது நாழிகைகைளாகவும், ஆறு சிறு பொழுதுகளாகவும், ஆறுபருவங்களாகவும் பகுத்த பண்டைத் தமிழன் தன்னுடைய புத்தாண்டு தொடக்கத்தைஇளவேனிற் காலத்தின் ஆரம்ப நாளாகக் கொண்டு தை மாதத்தினை தனது இனத்துக்கானபுத்தாண்டாகப் பிரகடனப் படுத்திக்கொண்டான்.

பொங்கல் திருநாளைத் தமிழர்கள் புதுநாள் என்றே அழைத்தார்கள். பொங்கல் திருநாளுக்கு முதல் நாளை, போகி (போக்கி) என்று அழைத்தார்கள். போகி என்பது, போக்கு - போதல் என்பதாகும். (ஓர் ஆண்டைப் போக்கியது - போகியது - போகி) பொங்கல் என்பது பொங்குதல் - ஆக்குதல். இது தொழிற் பெயர். புத்தொளி, பொங்கல் என ஆகுபெயர் ஆகியுள்ளது.

எனவே போகி என்பது போக்கிய நாளானது. (பழைய ஆண்டு) புது நாள் என்பது புத்தாண்டாகவும் கொள்ளப்பட்டது. எனவே தமிழரின் புத்தாண்டு பழந்தமிழரின் காலக் கணிப்பீட்டுக்கு அமைவான தை மாதம் முதலாம் நாளிலேயே கொண்டாடப்பட வேண்டும்.

தை மாதச் சிறப்பு

தமிழாண்டின் தொடக்கக் காலகட்டம், உழைப்பின் பயனைப் பெற்று மகிழும்காலகட்டமாகவும் அமைந்தது. புத்தொளி வழங்கிய கதிரவனைப் போற்றிய தமிழ் நெஞ்சம் உழைப்பையும், தனக்குத் துணை நின்ற உயிரையும் போற்றியது. கதிரவனின் சுழற்சியைக் கொண்ட காலக்கணிப்பைக் காட்டும் அறிவியலும், நன்றியுணர்வை வெளிப்படுத்தும் முதிர்ந்த பண்பாடும் பொங்கல் விழாவில் போற்றப்படுவதை நாம் காணலாம். "தை பிறந்தால் வழி பிறக்கும்" எனும் தமிழர் முதுமொழியை "புத்தாண்டு வந்தால் புதுவாழ்வு மலரும்" என்ற கருத்தோடு ஒப்பு நோக்கிப் பார்க்க வேண்டும்.

தமிழர்கள் மட்டுமல்ல, உலகத்தில் பல்வேறு இன மக்களும் தத்தமக்குரிய புத்தாண்டைஇளவேனில் காலத்திலேயே கொண்டாடுகின்றனர். தத்தமது புதுப் பணிகளையும்,நற்செயல்களையும் தொடங்குகின்றனர். ஆனால் சித்திரை மாதத்தில் குறிப்பாகத் தமிழர்கள்எந்த நற்செயல்களையும் தொடங்குவதில்லை என்பதையும் கவனத்தில் கொள்ள வேண்டும்.

தை மாத தொடக்க நாளை தமிழர்கள் தைப்பொங்கல் நாளாக கால காலமாக கொண்டாடி வருகின்றனர். அதில் தோரணங்கள் கட்டுதல், புதுப் பானையில் புது நீர் அள்ளி பொங்கல் வைத்தல், பொங்கும் போது “பொங்கலோ பொங்கல்” என ஆரவாரம் செய்தல், பொங்கலை பரிமாறி உண்ணல், புத்தாடை அணிதல், முன்னோர்க்கு படையல் இடுதல், மாடுகளுக்கு உணவளித்தல், பணியாளர்களுக்கு புத்தாடை வழங்குதல் போன்ற செயல்பாடுகள் தமிழர்களிடையே பழங்காலந் தொட்டு இருந்து வருகின்றது.

இவை அனைத்தும் நீண்ட நெடுங்காலமாக யப்பானியர்களாலும் கடைப்பிடிக்கப் படுகின்றது. இது அவர்களுக்கும் எமக்கும் இடையிலான ஒரு வரலாற்றுப் பண்பாட்டுஒருமைப்பாடு இருந்திருக்க வேண்டும் என சில வரலாற்று ஆய்வாளர்கள் கருதுகின்றனர்.

இந்த தைப்பொங்கல் நாள் பண்டையக் காலம் தொட்டே சமயச் சார்பற்று அனைத்து தமிழரதும் திருநாளாக விளங்குகின்றது. அதேப் போன்றே தை மாதம் முதல் நாள் தொடங்கும் தமிழ் புத்தாண்டு நாள்; உலகில் தமிழ் பேசும் அனைவரதும் புத்தாண்டு பிறப்பு நாள் என்பது தமிழ் அறிவியலாளர்களின் ஆய்வின் முடிவாகியுள்ளது.

இனி தமிழ் மாதங்களின் இல்லை, இல்லை - தமிழ்த் திங்கள்களின் பெயர்களைப் பார்ப்போமா?தை முதல் மார்கழி ஈறாக உள்ள 12 திங்கள்களுக்கும் தனித் தமிழ்ப் பெயர்கள் உண்டு.

அவை எவை என அறிவீர்களோ? மிக மிக முற்காலத்திலேயே தமிழன் வகுத்துத் தந்த கால அட்டவணை (calendrier / calendar) வான வெளியில் ஞாயிறு வலம் வருதலை அடிப்படையாகக் கொண்டது. இந்த வான மண்டலத்தைப் பன்னிரண்டு பகுதிகளாகப் பிரித்து 'ஒவ்வொரு பகுதிக்கும் ஒ வ்வொரு பெயர் கொடுத்திருக்கிறார்கள்.ஒவ்வொரு பகுதியிலும் கண்ணுக்குப் புலனாகும் விண்மீன்களைக் கற்பனைக் கோடுகளால் இணைத்துப் பெறும் உருவங்களின் அடிப்படையில் பெயர்கள் இடப்பெற்றுள்ளன.

இப்படிப் பெயர் கொடுத்தவர்கள் கிரேக்க வானியலார் என்பர். அவர்கள் பயன்படுத்திய சொல் என்ன தெரியுமா? 'horos'. இன்று ஐரோப்பிய மொழிகளில் வழங்கும் பல சொற்களுக்கு, 'horoscope, horodateur, hour, heure, year...' இச்சொல்லே வேர்ச் சொல். இந்த 'horos'என்ற கிரேக்கச் சொல்லுக்கு 'boundary, limit, border' என்று பொருள். (காண்க : On line etymology dictionary & The American Heritage dictionary). இந்தச் சொல்லுக்கு மூல வேர்ச்சொல் தேடப் போனால் நம் தமிழுக்குத்தான் வர வேண்டும். பக்கம், விளிம்பு எனப் பொருள்படும் ஓரம் என்ற சொல்லின் அடிப்படையில் பிறந்த சொல் ஓரை. (காண்க : தமிழ்மொழி அகராதி - நா. கதிரைவேற்பிள்ளளை)

இந்த ஓரை என்ற சொல்லின் கிரேக்க வடிவம்தான் 'horos'. வானப் பகுதிகள் பன்னிரண்டிலும் ஞாயிறு தங்கிச் செல்லும் பக்கத்தைத் தமிழர்கள் ஓரை என்று அழைத்தார்கள். இதற்கு வடமொழியில் 'இராசி ' என்று பெயர். கிரேக்கத்துக்கு ஏற்றுமதி ஆனது ஓரை என்ற தமிழ்ச் சொல் மட்டும் அல்ல, அஃது உணர்த்தும் பொருளும் தமிழர்களின் வானியல் அறிவும்தான். ஆக, தமிழர்கள் கண்ட 12 ஓரைகளைத்தான் கிரேக்கர்களும் கண்டனர். இவற்றின் பிரஞ்சு, ஆங்கில, கிரேக்க, தமிழ்ப் பெயர்களையும் அவற்றுக்கு உரிய (தற்காலத்தில் உலகம் நெடுக வழங்கும்) குறியீடுகளையும் எதிர் வரும்பட்டியலில் காண்க.

ஞாயிறு எந்த ஓரையில் தங்குகிறதோ, அந்த ஓரையின் பெயரையே அந்தத் திங்களுக்கு (மாதத்தக்கு)ப் பெயராய் இட்டனர் தமிழர். கிரேக்கர்களும் உரோமர்களும் இம்முறையைப் பின் பற்றவில்லை. எனவே, தமிழர்களாகிய நாம் நம் திங்கள்களுக்கு (மாதத்துக்கு)ச் சுறவம் முதல் சிலை ஈறாக உள்ள தனித் தமிழ்ப் பெயர்களைப் பயன்படுத்துதல் வேண்டும். முதலில் கடினமாகத் தோன்றினாலும் பழகியபின் இவை எளிமையாகிவிடும்.

வார நாள்கள் ஏழினுக்கும் கோள்களின் பெயர்களை இட்டனர் தமிழர். இம்முறையைக் கிரேக்கர்கள் பின்பற்றவில்லை, உரோமர்களோ மிகப் பிற்காலத்தில் தான் இம்முறையைக் கடைப்பிடித்தனர்.

கிழமை என்ற சொல்லுக்கு 'உரிமை' என்று பொருள். எனவே, ஞாயிற்றுக்கு உரிய நாள் என்ற பொருளில் ஞாயிற்றுக் கிழமை என்கிறோம். புதன், சனி என்பன தமிழ்ச் சொற்கள் அல்ல. ஆகவே, அவற்றுக்கு ஈடான அறிவன், காரி என்ற தனித்தமிழ்ச் சொற்களைப் பயன்படுத்துதல் நன்று.ஆக, தமிழர்களின் புத்தாண்டு அதாவது வள்ளுவர் ஆண்டு சித்திரைத் திங்களில் தொடங்கவில்லை மாறாகச் சுறவம் முதல்நாள் (சனவரி 14)தொடங்குகிறது என்பதை நினைவில் கொண்டு நம் புத்தாண்டுக் கொண்டாட்டங்களை அமைத்துக்கொள்ள வேண்டியது தமிழர்களாகிய நம் கடமை.9:24 am

amzath khan - பிரபவ, விபவ, சுக்கில, பிரமோதூத, பிரசோத்பத்தி, ஆங்கீரச, ஸ்ரீமுக, பவ, யுவ, தாது, ஈசுவர, வெகுதானிய, பிரமாதி, விக்ரம, விஷு, சித்திரபானு, சுபானு, தாரண, பார்த்திப, விய இவ்விருபதும் உத்தம வருஷங்கள்.

சர்வஜித்த, சர்வதாரி, விரோதி, விகிர்தி, கர, நந்தன, விஜய, ஜய, மன்மத, துன்முகி, ஏவிளம்பி, விளம்பி, விகாரி, சார்வரி, பிலவ, சுபகிருது, சோபகிருது, குரோதி, விஸ்வாவசு, பராபவ இவ்விருபதும் மத்திம வருஷங்கள்,

பிலவங்க, கீலக, சவுமிய, சாதாரண, விரோதி கிருது, பரிதாபி, பிரமாதீச, ஆனந்த, இராக்ஷஸ, நள, பீங்கள, காளயுக்தி, சித்தார்த்தி, ரவுத்ரி, துன்மதி, துந்துபி, உருத்ரோத்காரி, இரத்தாக்ஷி, குரோதன், அக்ஷய
இவ்விருபதும் அதம வருடங்களாம்.

தமிழ் வருடம் என்று நீங்கள் நினைக்கும் இதில் ஏதாவது ஒரு தமிழ் சொல்லை காண்பியுங்கள்!நீங்கள் சொல்வதை ஏற்று கொள்கிறேன்.9:27 am

amzath khan - தோழர்களே!
தயவு செய்து ஆரிய புத்தாண்டை தமிழ் புத்தாண்டு என்று சொல்லி தமிழை அசிங்கபடுத்தாதீர்கள்.9:56 am

Jeyakumar Srinivasan - 01. அம்ஜத் கான் - நல்ல தமிழ்ப்பெயர். நீங்க சொன்னா சரியா இருக்கும். ஆனாலும் எங்கயோ இடிக்குது.

02. தமிழர்கள் ரம்ஜான் கொண்டாடலாமா?

03. தமிழ்ப்புத்தாண்டை சித்திரையிலிருந்து தைக்கு மாத்திட்டா உங்க பிரச்சினை சரியாய்டுமா?

தெரியாமத்தான் கேக்கறேன்னு சொல்லுங்க.10:13 am

Haran Prasanna - ஆரியர்கள்னா யார்? பிராமணர்களா? அல்லது ஹிந்துக்களா? தமிழறிஞர் தெளிவுபடுத்தவேண்டும். ஆரியப் படையெடுப்புக் குறித்த ஆதாரங்களை இன்னும் முன்வைக்கவேண்டும். தமிழ்ப்புத்தாண்டு புறக்கணிப்பு என்பது தமிழர்களுக்கு ஆதரவாகவா அல்லது ஆரிய பிராமண அல்லது ஆரிய ஹிந்துக்களுக்கு எதிராகவா என்பதையும் தெளிவுபடுத்தவேண்டும். மேலும், எதைப் புத்தாண்டாகத் தமிழர்கள் (இதில் ஹிந்துக்கள், பிராமணர்கள் அடங்குவார்களா என்பது துணைக்கேள்வி) கொண்டாடவேண்டும் என்று சொல்லவேண்டும். அப்போது என்ன என்ன பெயர்கள் தமிழ்ப் புத்தாண்டுகளுக்குத் தரப்படுகின்றன, அவற்றின் மூல ஆதாரம் என்ன, அவை எல்லாமே தமிழ்ப்பெயர்கள்தானா என்பது குறித்த ஆதாரமெல்லாம் தரவேண்டும். தமிழறிஞர் நிச்சயம் நம்மைக் கடைத்தேற்றுவார்.10:20 am

amzath khan - நல்ல கேள்வி !
எனது நிஜ பெயர் சொக்கலிங்கம்.சொக்கலிங்கத்தின் தமிழ் அர்த்தம் அழகிய ஆண்குறி.பண்டைய தமிழர்களிடத்தில் சாதி இல்லையே!நான்காயிரம் ஆண்டுகளுக்கு முன்பு வந்த ஆரியர் புகுத்தியதுதானே சாதிமுறை.ரம்ஜான் மட்டுமில்லை.பொங்கல் ஒன்றை தவிர மற்ற எதுவும் தமிழ் இனத்தின் திருநாட்கள் அல்ல.10:20 am

amzath khan - வாங்க ஹரன் நலமா?
உங்களுடைய எல்லாகேள்விகளுக்கும் “சுருதி ஸ்மிருதி இதிஹாஸ”, “புராண மீமாம்ஸாத்வாய ஸுத்ர விஷாரத்”,“வேதார்த்த ரத்னாகர வேதவாஸஸ்பதி”, “மஹோ பாத்யாய”, “மகா மஹோ பாத்யாய”, அக்னிஹோத்ரம் ராமானுஜ தாத்தாச்சாரியார் அவர்கள் எழுதிய இந்து மதம் எங்கே போகிறது என்ற புத்தகத்தில் நீங்கள் கேட்கும் அனைத்து ஆதாரங்களுடன் மிக விளக்கமாக சொல்லபட்டிருக்கிறது.தயவு செய்து அவசியம் வாங்கி படிக்கவும்.10:29 am

puthumalar raja - ஆரிய புத்தாண்டை ஆரிய னா என்ன நண்பா?10:31 am

amzath khan - சம்ஸ்கிருத மொழியை தாய்மொழியாக கொண்டவர்கள் ஆரியர்கள்.

மேலும் இதைப்பற்றி படிக்க விரும்புவர்கள் உடனே தொடர்பு கொள்ள வேண்டிய முகவரி.

https://profiles.google.com/u/0/salemdeva/posts/4xVTDeeNYeS

கட"மை"

2011-04-13T15:47:00.000+05:30

கலைஞரோ,அம்மாவோ யாரு ஜெயிச்சாலும் சரி...ஏதோ என்னால முடிஞ்ச உதவியா அவங்களுக்கு ஓட்டு போட்டுட்டேன்.இதுக்காக ரெண்டு கட்சிக்காரங்களும் என்னை ரொம்ப கெஞ்சி கேட்டாங்க.நானும் ஆகட்டும் பாக்கலாம்ன்ணு சொல்லி இன்னிக்கு முதன்முதலா ஓட்டு போட போனேன்.(ரெண்டு மாசத்துக்கு முன்னாடிதான் எனக்கு 18 வயசாச்சு..ஹி.ஹி..ஹி...)

வாக்கு சாவடில நல்ல கூட்டம்.முதல்ல ஏதாவது பிரச்சினைன்னா ஓட முடியற அளவுக்கு இடம் இருக்குதான்னு பாத்துகிட்டேன்.(ஹி.ஹி.. எல்லாம் ஒரு சேப்டிக்கு)ஒரு மணிநேரம் கஷ்டப்பட்டு வரிசைல நின்னு உள்ள போய் பதிவுலகத்தில கிடைச்ச அறிவால (!?) 49.ஓ போடணும்ன்னு கேட்டா அப்டி யாரும் இங்க போட்டிபோடலயேன்னு சொல்லுவாங்க...எதுக்கு கேட்டுகிட்டு..?!இவங்களுக்கு 49.ஓ பத்தி வௌக்குறதுக்கு பேசாம கண்ண மூடிட்டு பொட்டியில ஏதாவது ஒரு பட்டன அமுக்கிட்டு போயிடலாம்.

எனக்கு முன்னாடி போன ஆளு ஒரு அப்புராணி பயபுள்ள போல...கைய காட்டுங்கன்னு சொன்னா ஜோசியக்காரங்ககிட்ட காட்ற மாதிரி கைய நீட்னாரு.உங்களுக்கு சனி நீச்சமா இருக்கு.ஓட்டு போட்ட பின்னாடி உச்சத்துக்கு போயிடும்.திருப்பி காட்டுய்யா கையன்னு டென்சனாயிட்டாரு ஆபிசர்.

தி.மு.க. சார்பா நிக்கறவரோட பேர் ஓட்டுப்பொட்டில ரெண்டாவதா இருந்துச்சு.அவங்க ஆளுங்க படிக்காத பாட்டிங்ககிட்ட ரெண்டாவது பட்டன்ல அமுக்குன்னு அவங்க ரெண்டு விரல காமிச்சிகிட்டு மெதுவா சொன்னது ரெட்டை இலைக்கு ஓட்டு கேக்கற மாதிரியே இருந்துச்சு.

ஓட்டு போட்டவுடன் பொட்டியிலருந்து வந்த சத்தம் அடுத்த அஞ்சு வருத்துக்கு நமக்கு சங்குதான்னு சொல்ற மாதிரியே ஒரு பீலிங்.படிக்காதவங்க ஓட்டு போடறதுக்கு பூத்ல இருக்கறவங்க உதவி பண்ணுவாங்களாம்.கண்டிப்பா தி.மு.கவுக்குதான் போட்ருப்பாங்கன்னு நினைக்கிறேன்.

கையில மையோட, வாயெல்லாம் பல்லோட இளிச்சுகிட்டே வெளிய வந்தப்ப யாராவது பத்திரிக்கைகாரங்க போட்டோ புடிச்சா யூரின் போற மாதிரி கைய காட்டி கேவலமா ஒரு சிரிப்பு சிரிக்கலாம்ன்னு பாத்தா யாரையும் காணோம்.

ஹீம்ம்..எப்படியோ ஒரு 5 வருஷத்துக்கு நம்மள அடமானம் வச்சாச்சு...போய் சன் டிவியோட பிறந்த நாளையும்,கலைஞர் டிவியோட விடுமுறை தினக் கொண்டாட்டத்தையும் பாத்து தொலைக்க வேண்டியதுதான்.

வாழ்க ஜன(பண)நாயகம்..!!

நம்பிக்கைதான் வாழ்க்கை..!!

2011-04-07T10:40:00.001+05:30

அன்னா ஹசாரே

வேறு வழி தெரியவில்லை..!!

அன்னியசக்திகளிடமிருந்து நம் நாட்டை காக்க இந்திய ராணுவத்தில் பணி புரிந்து ஓய்வு பெற்று விட்டு இப்போது நம் உள்நாட்டு ஊழல்களிலிருந்து நம் நாட்டை காக்க மூன்று நாட்கள் தாண்டி உண்ணாநோன்பு இருந்து வருகிறார்.ஊழலில் திளைக்கும் அரசியல்வாதிகளுக்கு எதிராக லோக்பால் என்ற சட்டத்தை அமல் படுத்தக்கோரி இந்த உண்ணாநோன்பை ஆரம்பித்திருக்கிறார்.ஆயுதவழியில் போராடி ஓய்வுபெற்றவரை அஹிம்சை வழியிலும் போராட வைத்துள்ளனர் இந்த ஊழல் பெருச்சாளிகள்.

தயவு செஞ்சு அரசியல் ஆக்கிராதீங்க..!!

இந்த உண்ணாநோன்பையும் தங்கள் அரசியலுக்கு பயன்படுத்த நினைப்பதை விரும்பாமல் அரசியலுக்கும் வன்முறைக்கும் இங்கு இடமில்லை என்று அவர்களை புறக்கணித்துள்ளார்.ஊழலின் ஊற்றுக் கண்களை பக்கத்திலேயே வைத்துக் கொண்டு போராடியிருந்தால் இந்த போராட்டத்திற்கு அர்த்தமில்லாமல் போய்விடும்.அதை சரியாக தவிர்த்திருக்கிறார் ஹசாரே.

காந்திய வழியை ஜெயிக்க விடுகிறார்களா என்பதை பொறுத்திருந்து பார்க்க கூடாது.ஏனெனில்,அவர் தன் முதுமை வயதிலும் என்னை முதல்வராக்குங்கள் என்று கேட்க வில்லை.ஊழலை கட்டுப்படுத்தும் சட்டத்தை அமல்படுத்துங்கள் என்று தன் உயிரை பணயம் வைத்திருக்கிறார்.

அரசியல்வாதிகளே,நீங்கள் இதுவரை சம்பாதித்தது போதும்.தயவுசெய்து அந்த சட்டத்தை அமல்படுத்துங்கள்.காந்தியத்தின் மீது மக்களுக்குள்ள நம்பிக்கையை தகர்த்து விடாதீர்கள்.ஜெய்ஹிந்த்..!!

ஒன் மேன் ஆர்மி..!!

2011-03-23T19:34:00.003+05:30

எவன் எப்டி போனா எனக்கென்ன..?! இந்த நாடும் நாட்டு மக்களும் நாசமாய் போகட்டும். ஏன் இவன் பிளாக்குக்கு வந்ததுக்கு நம்மள இப்டி திட்றான்னு தப்பா நெனச்சிக்காதீங்க....ஹி.ஹி..ஹி... இப்படிதான் சுயநலமா மாறிகிட்டு வருது நம்ம உலகம். எத்தனையோ போர்கள்,இயற்கை பேரழிவுகள் வந்து மனுசங்க கஷ்டப்படறாங்க.. ஜப்பான் சுனாமியெல்லாம் பாத்தா ரொம்ப பாவமா இருக்குங்க...அறிவு அதிகமா இருக்கற மக்களான அவங்க அதை எதிர்கொண்ட விதத்தை பாத்தா சிலிர்ப்பா இருக்கு.நம்ம ஊர்ல இந்தமாதிரி ஏதாவது நடந்திருந்து இந்த மாதிரி நிவாரணம் கொடுக்கறதுக்கு ஏதாவது முகாம் போட்டாங்கண்ணா பத்து பேர் செத்து போற அளவுக்கு நெரிசல் உண்டாக்கிருவாங்க...ஆனா,அந்த பயபுள்ளைங்க இவ்ளோ நடந்தும் கட்டுப்பாட்டோட எப்டி இருக்காங்கன்னு தெரியல...இதெல்லாம் ஜீன்லயே வரணும் போலருக்கு.சீக்கிரமா இந்த அழிவிலிருந்து மீண்டு வருவாங்க...

உயர்திரு.டிராபிக் ராமசாமி அவர்களை பத்தி பத்திரிக்கைகள்ல கேள்விப்பட்ருப்பீங்கன்னு நெனைக்கிறேன்.பொதுநலம் பொதுநலம்ன்னு இந்த அரசியல்வியாதிங்க கூவறாங்க பாருங்க... அதெல்லாம் டூப்.உண்மையிலயே இவர் செய்றதுதாங்க பொதுநலம்.நம்பல்லாம் ப்ளாக்ல ப்ரொபைலை மறைச்சி அரசியல்வாதிகள கன்னாபின்னான்னு திட்டி எழுதறோம்.ஆனா,இவரு வெளிப்படையா செஞ்ச பொதுநல காரியங்களால் இவருக்கு துப்பாக்கி ஏந்திய போலீஸ் பாதுகாப்பு போடற அளவுக்கு ஆகிப்போச்சு. நம்மல்லாம் டிராபிக்ல மாட்டிக்கிட்டோம்ண்ணா நமக்கு BP எகிர்ற அளவுக்கு மத்தவங்கள திட்டுவோம்.ஆனா இவரு 75 வயசிலயும் சாலையில இறங்கி டிராபிக்க சரிபண்ண ஆரம்பிச்சிடுவாரு.பெயர்க்காரணம் இதுதான்.தனியாளா யாருக்கும் பயப்படமா பல சமூகநல வழக்குகளையும் வக்கீல்களே இல்லாமல் இவரே வாதாடி ஜெயிச்சிருக்காரு.ஏற்கனவே ஏதோ ஒரு தேர்தல்ல வேட்பாளரா நின்னு தோத்துப்போயிட்டாரு.இப்ப பரபரப்பான ஏரியாவான தியாகராயநகரில் சுயேட்சையாக நிக்கறாரு.அவரோட தைரியத்த நினைச்சு பெருமையாவும் ஆச்சர்யமாவும் இருக்கு.எப்படியும் தி.நகர்ல இருக்கற வணிகப்பெருந்தலைகள் இவர ஜெயிக்க விட மாட்டாங்க.சாதாரண பொதுஜனமா இருக்கும்போதே இவரோட குடைச்சல் தாங்கல...இன்னும் MLA ஆயிட்டாருண்ணா சொல்லவே வேண்டாம்.எனக்கு சேலத்திலதான் ஓட்டு.இவருக்காக எப்படியாவது போய் கள்ள ஓட்டாவது போடணும்ன்னு ஆசைப்படறேன்.

தேர்தல் சீஸன் களைகட்டுது.நானும் ரவுடிதான் நானும் ரவுடிதான்னு வடிவேல் பண்ற காமெடி சிறப்பா இருக்கு.சமீபத்தில் சாகித்ய அகாடமி விருது பெற்ற எழுத்தாளர் நாஞ்சில்நாடனின் தேர்தல் சம்பந்தமான (கீழே இருக்கற சுட்டியை கிளிக் பண்ணி) கவிதைய படிச்சி பாருங்க...செம நக்கல் பண்ணியிருப்பாரு அரசியல்வியாதிகளை.
அவர்கள் வந்து கொண்டிருக்கிறார்கள்

கனா காணும் காலங்கள்..!!

2011-03-04T07:46:00.001+05:30

எங்க வீட்டுக்கு பக்கத்துல காவலர்கள் பயிற்சி செய்ற கவாத்து மைதானம் இருக்கு. ஓடறது, சுடறது, தாவறது, கயிறு ஏறுதல் இந்த மாதிரி பயிற்சி எல்லாம் செய்வாங்க..அதாவது பணி நிரந்தரம் ஆவதற்கு முன்னால செய்வாங்களே அத சொன்னேன்.நிரந்தரம் ஆன பிறகு எங்க பயிற்சி செய்றாங்க..?! ஒரு சில பேர் தவிர எல்லாரும் 3 மாசம் 6 மாசம் ஆன புள்ளதாச்சி பொண்ணுங்க மாதிரிதான் திரிவாங்க...ஹி.ஹி..ஹி.. அவங்க பயிற்சி செஞ்சிட்டு இருக்கறத பாக்கும்போது என் நினைவுக்கு ஆல்அவுட், குட்நைட் எல்லாம் வந்துச்சு.. (அட..அதாங்க பிளாஸ்பேக். கொசுவத்தி புகை எனக்கு ஆகாது.ஹி.ஹி..)

ஒண்ணாம் வகுப்புலருந்து ஐந்தாம் வகுப்பு வரைக்கும் வீட்டுக்கு பின்னாலயே இருக்கற ஒரு பள்ளிக்கூடத்துல படிக்கவச்சாங்க.5வருஷம் படிச்சாலும் 5000ரூ.க்கு மேல செலவு ஆகியிருக்காது.இப்ப ஆகற செலவ நினைச்சா வயித்த கலக்குது.டெர்ம் பீஸ்,நோட் பீஸ்,புக் பீஸ்,யூனிபார்ம் பீஸ்,பஸ் பீஸ்,ஷீ பீஸ்,சாக்ஸ் பீஸ்,டை பீஸ் இப்டி விதவிதமா பீஸ் போட்டு நம்ம பீஸ புடுங்கிருவாங்க...இதுல இந்த ஸ்கூல்காரங்க பள்ளிக்கட்டணத்தை உயர்த்தி நிர்ணயிக்கணும்ன்னு போராட்டம் வேற பண்ணப்போறாங்களாம்.எலக்சன் வரப்போறதால தினம் ஒரு போராட்டம் நடக்குது.(குழந்தைக்கு இப்பதான் 8 மாசம் ஆகுது.எல்.கே.ஜிக்கு இப்பவே அட்மிசன் புக் பண்ணி வச்சிரணும்.அட்வான்ஸா புக் பண்ணி வச்சா ஏதாவது ஆடி தள்ளுபடி மாதிரி பீஸ குறைப்பாங்கன்னு நினைக்கிறேன்.ஹி.ஹி..)

அதுவும் இப்ப State Board,Matriculation,CBSE,Anglo-Indian,சமச்சீர்கல்வின்னு என்னென்னமோ சொல்றாங்க...நான் படிச்ச ஸ்கூலுக்கு நம்ம இஷ்டத்துக்கு போலாம்... வரலாம். வாத்தியாருங்களுக்கு விசிறி விடறது,காலை அமுக்கி விடறது,போண்டா டீ வாங்கிட்டு வந்து தர்றதுன்னு அப்படியே ஓடிப்போச்சு...அதுவரைக்கும் வெளிஉலகத்தையே பாத்தது கிடையாது.ஆறாம் வகுப்புக்கு வீட்லருந்து ஒரு 5 கி.மீ தள்ளி இருக்கற பெரிய பள்ளிக்கூடத்துல சேத்தறதுக்காக கூட்டிட்டு போனாரு அப்பா.

இப்ப இருக்கற மாதிரி எல்.கே.ஜி அட்மிஷனுக்கே அப்பாஅம்மா படிச்சிருக்கணும்,பரிட்சை எழுதணும்ன்ற மாதிரி காமெடியான ரூல்ஸ் எல்லாம் அப்ப கிடையாது.ஐந்தாம் வகுப்பு வரைக்கும் வீடு மாதிரியே இருக்கற ஸ்கூல்ல படிச்சுட்டு திடீர்ன்னு அவ்ளோ பெரிய ஸ்கூல பாத்ததும் எவ்ளோ பெரிய்ய்ய்ய ஸ்கூலு....(பஞ்சதந்திரம் தேவயானி ஸ்டைலில் படிக்கவும்)அப்டின்னு வாய பொளந்து பாத்துட்டு இருந்தேன்.

அட்மிசனுக்கு பிரின்சிபல் ரூமூக்கு கூட்டிட்டு போனாரு அப்பா...பிரின்சிபல் ஒரு திருக்குறள் சொல்லுன்னு சொன்னாரு...பயத்துல நாக்கு படுத்துகிச்சு.பில்டிங் ஸ்ட்ராங் பேஸ்மெண்ட் வீக்ன்ற மாதிரி காலெல்லாம் நடுங்குது.ஈவில்டெட் சினிமாவ இருட்டுல தனியா பாக்கற எபக்ட்ல பேந்த பேந்த முழிச்சிகிட்டு இருக்கேன்.ஊமையான்னு கேட்டாரு பிரின்சிபல்.ச்சே..ச்சே... நல்லா பேசுவான் சார்... அப்டின்னு அப்பா பக்கத்துல நின்னுகிட்டு துப்பு கொடுக்கறேன்ற பேர்ல அகர அகர ன்னு திருக்குறளோட முதல் வார்த்தைய சொல்லியும் நாக்கு நகர மாட்டேங்குது.துப்பார்க்கு துப்பார்க்கு-ன்னு சொன்னா நிஜாம் பாக்கு,ரோஜா பாக்குதான் நெனப்புக்கு வருது.கெரகம்...பத்து நாள் மனப்பாடம் பண்ணிட்டு போன அந்த குறள் மட்டும் ஞாபகத்துக்கு வரமாட்டேங்குது.பிரின்சிபல் அவரு விதிய நொந்துகிட்டே அட்மிசன் கொடுத்தாரு..வேற வழி...

கனா காணுவோம்...

முருகா ஏன் இப்டி எங்கள சோதிக்கற..?!

2011-02-27T11:13:00.002+05:30

சீடன் படத்த விட்டு வெளிய வந்த மக்கள் இப்டிதான் பேசிக்கிட்டாங்க... எதுக்கு தனுஷ் இந்த படத்த ஒத்துகிட்டாருன்னு தெரியல...டைரக்டரு சுப்ரமணியசிவா அவருக்கு முருகன் மேல இருக்கற பக்திய காட்றதுக்கு நம்மள காய வச்சிட்டாரு...நமக்காச்சும் 200ரூபாவோட போச்சு..பாவம் தயாரிப்பாளர்.

நேத்து எங்க ஏரியாவில முழு மின்வெட்டு.தினமும் 2 மணி நேரம் மின்வெட்டு இருக்கறப்ப பண்ணாத பராமரிப்ப மாசம் ஒருநாள் பண்ணுவாங்கலாம்.குழந்தையையும் தங்கமணியையும் கூப்டுகிட்டு மொழி,அபியும் நானும் படத்தோட இயக்குனர் இயக்கிய பயணம் படத்துக்கு போலாம்ன்னு பயணப்பட்டோம்.சேலத்து டிராபிக் வர வர சென்னை,பெங்களூரு மாதிரி ஆகிட்டிருக்கு.2.30 மணு படத்துக்கு 1.30 மணிக்கே கிளம்பிடணும்.அப்பதான் வெண்திரையிலிருந்து வீக்கோ டர்மரிக் விளம்பரம் ஆரம்பிச்சு முழுசா படத்த பாக்கலாம்.இப்டி பாத்தாதான் திருப்தி.ஒரு சீன் மிஸ் ஆகிட்டாலும் கடுப்பா இருக்கும்.தியேட்டருக்கு போனா மாலை காட்சியும் இரவுக்காட்சியும் மட்டும்தான் பயணம் படம் போடுவாங்களாம்.

வேற ஏதாவது நல்ல படம் ஓடுதான்னு பாத்தா நடுநிசி நாய்கள் படம் போஸ்டர் இருந்துச்சு.இந்த படத்துக்கு போனா நமக்கு இருக்கற கொஞ்சநஞ்சம் நல்ல பேரையும் கெடுத்துரும்.ஏங்க வரவர உங்க புத்தி இப்டி எல்லாம் போவுது..?ன்னு தங்கமணி அட்வைஸ் பண்ற நினைப்பெல்லாம் வந்துச்சு.இந்தமாதிரி படங்கள அடையாளம் காண உதவுற பதிவுலகத்துக்கு நன்றி.

ஆடுபுலிஆட்டம்,தூங்காநகரம்.சீடன் மட்டும் சாய்ஸா இருந்தது.நான்தான் தனுஷ நம்பி போலாம்ன்னு முடிவு எடுத்தேன்.நம்ப முடிவு எப்ப நம்பள காப்பாத்தியிருக்கு..?போனா முதல் பாட்டு ஓடிட்டிருந்தது.அப்பயே மூடு அப்செட்.வசனமெல்லாம் நல்லாதான் இருந்தது.விவேக் வேற அப்பப்ப வந்து சாமியாருங்கள கலாய்ச்சிட்டு இருந்தாரு.நம்ப மொக்கைய விட பயங்கரமா மொக்கை போடறாரு.முடியல..

இடைவேளை அப்பதான் தனுஷ் வர்றாரு.கதையோட ஒன்லைன் தன்னோட பக்தையின் காதலுக்காக கடவுளே மனிதரூபத்தில் சமையல்காரரா வந்து உதவி செய்றாராம்.பெரியார் கட்சிக்காரங்க ஏன் திட்ட மாட்டாங்க..? இப்டியெல்லாம் படம் எடுத்தா முருகனுக்கே பிடிக்காது.சிவக்குமார் மாதிரி மழுமழுன்னு ஷேவ் பண்ணிய நடிகர்கள முருகனா பாத்துட்டு தனுஷ ட்ரிம் பண்ண தாடியோட முருகனா ஏத்துக்கிறது கொஞ்சம் கஷ்டம்தான்.

நல்லா பளிச்சுன்னு இருந்துச்சு ஒளிப்பதிவு.இந்த மாதிரி படத்துக்கு ஒளிப்பதிவாளர் என்னதான் விழுந்து விழுந்து வேலை செஞ்சாலும் பாவம் அது வெளிய தெரியப்போறதில்ல...நல்ல கதைய வேகமான திரைக்கதையா மாத்தி வித்தியாசமான சீன்கள் அதிகம் வச்சு இசை ஒளிப்பதிவு எல்லாம் சேந்தாதான் இப்பல்லாம் ஹிட் அடிக்க முடியும்.ஒண்ணு முழுக்க பக்தி படமா எடுக்கணும்.இல்ல காதல் படமா எடுக்கணும்.ரெண்டும் கலந்து எடுத்தா இப்டி பப்படமாதான் போகும்.படத்தோட வசனங்கள விட தியேட்டர்ல வர்ற வசனங்கள் நல்லா காமெடியா இருந்துச்சு.(அட்ராசக்க சிபி அளவுக்கு வசனமெல்லாம் எனக்கு ஞாபகம் இல்ல...)அடுத்த வாரம் சன் டிவியில இந்த படத்த போட்ருவாங்கடா...அப்டின்னு பின்னாடி யாரோ சொன்னப்ப குலுங்கி குலுங்கி சிரிச்சேன்.5 பாட்டு வச்சே ஆகணும்ன்னு ஏதாவது கட்டாயம் இருக்கா என்ன..?தேவையில்லாத இடத்துல பாடல்கள் வச்சு தியேட்டர்ல பாதிப்பேர் ஓடிப்போயிட்டாங்க...கடைசி பாட்டு வர்றப்ப தியேட்டர் முழுவதும் ஒரே அழுகைதான்.முருகா ஏண்டா இப்டி எங்கள சோதிக்கற..?

டிஸ்கி to சிபி செந்தில்குமார் ஐய்யய்யோ... சினிமா விமர்சனத்துக்கு போட்டியா... என்று பயப்பட வேண்டாம்.ஹி.ஹி..ஹி. சும்மா டமாசு.
6 மாசத்துக்கு ஒரு தடவைதான் சினிமாவுக்கு போவேன்.மாசத்துக்கு ஒரு தடவைதான் பதிவு போடுவேன்.

இந்த படம் படப்பிடிப்பு நடந்த பழனியில் கூட 10 நாள் ஓடறது டவுட்டுதான்.

தமிழன் என்று சொல்லடா... தலை நிமிர்ந்து நில்லடா...

2011-01-30T12:04:00.001+05:30

இந்த ரைமிங் எல்லாம் கேக்க நல்லாதான் இருக்கு..!!
ஆனா,நிஜத்தில் நம்ம தமிழக மீனவனோட தலையை
பாத்தாவே சுட்டுர்றானுங்க சிங்கள வெறியனுங்க...

அன்பை மட்டுமே போதிக்கற புத்தர் இவனுங்களுக்கு
இதைதான் சொல்லிக் குடுத்தாரா..?!
இவ்வளவு உயிர்களையும் கொன்னுட்டு புத்த பிட்சுகளிடம்
ஆசிர்வாதம் வேற...நல்லா இருக்குடா உங்கள் போதிசத்துவம்.

இப்படியே பண்ணிட்டு இருங்கடா...நம்ம இந்திய அரசாங்கம் ஏதும் பண்ணலேன்னாலும், இயற்கை என்னும் சக்தியும், இறந்த மீனவர்களின் குடும்பத்தோட சாபமும் உங்கள இன்னொரு
சுனாமியா வந்து காலி பண்ணப் போவுது.

கச்சத்தீவை தாரைவார்த்த இவங்களோட வெளியுறவுக்கொள்கையையும், ராஜதந்திரத்தையும் நினைச்சா பத்திகிட்டு வருது.

நம் அரசியல் கட்சிகளுக்கு வரப்போற தேர்தல் வேலையே நிறைய
இருக்கும் போது இந்த மாதிரி மீனவர்கள் சுடப்படற நிகழ்வுகள் வேற வந்து
தொல்லை பண்ணுது.செத்துப் போனவன் வீட்டுக்குப் போயும் கேவலமா
அரசியல் நடத்துறாங்க...

ஜனநாயகம் ஜனநாயகம்ன்னு கூவறாங்களே தவிர ஜனங்களுக்கு ஒண்ணு நடக்கும் போது அதை எதிர்க்க கூட மாட்றாங்க....ஓட்டு போட்டு எப்படி நாம் தேர்ந்தெடுக்கிறோமோ அதே போல் திரும்பபெறும் உரிமையையும் நமக்கு கொடுத்தாதான் இந்த அரசியல்வியாதிங்களுக்கு பயம் இருக்கும்.

நம்ம முதல்வர் நிறைய கடுதாசி போட்டு கண்டுக்காத பிரதமரு நம்ம பெட்டிசனையா கண்டுக்க போறாரு...செவிடன் காதில ஊதின சங்கு மாதிரிதான்..இருந்தாலும் ஏதாவது ஒரு வழியில நம்ம எதிர்ப்பை தெரிவிக்கலாம்.

நம்ம கருத்தை மத்திய அரசாங்கத்துக்கு தெரிவிக்க இந்த இணைப்பு

Save TN Fisherman

ஆனந்தம்.. பரமானந்தம்..!!

2011-01-22T09:35:00.000+05:30

இந்தவார விகடனில் வலைமேயுதே...ச்சீ..சாரி..வலைபாயுதேவில் பிரபலபதிவர்"சேலத்துமாங்கனி""சேலத்துசிங்கம்,புலி,சிறுத்தை"etc..,(மொத்தத்துல மனுசன் இல்ல) சேலம்தேவாவின் ட்விட் ஒன்று வந்து ஆனந்தவிகடன் அதன் வரலாற்று பெருமையை மீண்டும் ஒருமுறை நிரூபித்துள்ளது. உடனே அகிலம் முழுவதும் உள்ள என் பல்லாயிரக்கணக்கான(!?) ரசிககண்மணிகள் விகடன் விற்பனையை உயர்த்தி என்னைக் ஆனந்தகண்ணீர் விட வைக்காதீர்கள்.ஹி.ஹி..ஹி...

அடுத்ததாக நம்ம அட்ராசக்க சி.பி.செந்தில்குமார் ஸ்டைலில் சன் டிவியிலோ,விஜய் டிவியிலோ நம் முகம் தெரிய என் செய்ய வேண்டும்..?! தினத்தந்தியிலோ,தினமலரிலோ முன் பக்கத்தில் நம் பதிவுகள் வர என்ன செய்ய வேண்டும்..? குமுதம் குங்குமம் பத்திரிக்கைகளில் நாம் எப்படி கும்முவது..?! மூஞ்சி புத்தகத்தில்(அதாங்க பேஸ்புக்) நம்ம மூஞ்சி பிரபலமாக என்ன செய்ய வேண்டும்..? என்பது போன்ற பதிவுகளை வரிசையாக இடக்கூடிய ஒர் நிலையை நான் அடைந்து விட்டதாக எண்ணுகிறேன்.

இந்த உயரியநிலையை நான் அடைந்தது எப்படி என்று பல தொலைபேசி விசாரிப்புகள்,மின்னஞ்சல்கள்..எனவே,பதிவுலக நண்பர்களுக்கு விளக்க கடமைப்பட்டிருக்கிறேன்.

வலையை மேய்ந்து கொண்டிருக்கும்போது எங்கு சைன்இன்,சைன்அப்,ரிஜிஸ்டர் என்று பார்த்தாலும் வேறு யாராவது நமது பெயரை உபயோகிப்பதற்கு முன் உடனே நமது பெயரை பதித்துவிடவேண்டும்.ட்விட்டரில் சேர்ந்த 2 நாட்களில் என்னை பின்தொடர்பவர்கள் 20 பேர்மட்டுமே.ஆனால்,நான் பின்தொடர்பவர்கள் எண்ணிக்கையோ 300-ஐத் தாண்டும்.தீயாக வேலை செய்ய வேண்டும்.ஹி.ஹி..ஹி...

ஆளில்லாத டீக்கடையாக இருந்த என் மின்னஞ்சல் முகவரி இது போன்ற செய்கைகளால் நிரம்பி வழிந்தது குறிப்பிடத்தக்கது.ஆனால்,இதில் இலவசமாக நமது பெயரை பரப்புவர்களிடம் மட்டும்தான் நமது முத்திரையை பதிக்க வேண்டும்.ஒருசில தளங்களில் பேபால்,பேகாப்பி, பேடீ(அதாங்க... PAYPAL) என்று இருப்பதை பார்த்தால் வாயுவேகத்தில் திரும்பிவிடவேண்டும்.ஹி.ஹி..ஹி...

நமக்கு வரும் மின்னஞ்சல்கள்,குறுஞ்செய்திகள்,படிக்கும் பத்திரிக்கைகள்,பார்க்கும் செய்திகள் என்று எதைப்பார்த்தாலும் நமக்கு பதிவிடுவதற்கும்,ட்வீட்டுவதற்கும் ஏதேனும் செய்தி இருக்கிறதா என்ற கோணத்திலேயே பார்க்கவேண்டும்.(மொத்தத்தில் உருப்படியா எந்த வேலையும் செய்யக்கூடாது)

இந்த முறையில் எனக்கு வந்த நல்ல குறுஞ்செய்தியை என்னுடைய ட்விட்டர் பக்கத்தில் டைப்பியிருந்தேன்.அதுதான் இப்போது விகடனில் வந்து பெருமை படுத்தியுள்ளது.(காப்பி அடிச்சத எப்டி பெருமை அடிக்குது பாரு...)

இன்னும் இந்த சமூகத்திற்கு இதுபோன்ற பயனுள்ள விஷயங்களை என் உயிர்உள்ளவரை செய்வேன் என்பதை மகிழ்ச்சியுடன் தெரிவித்துக்கொல்கிறேன்..சாரி கொள்கிறேன்.ஹி.ஹி..ஹி...(உயிர எடுக்கிறானே)

ஸ்ஸ்ஸ்..அப்பா... எப்டியோ ஒரு பதிவு தேத்தியாச்சு...ஹி.ஹி..ஹி...

பொங்கலோ பொங்கல்..!!

2011-01-14T07:29:00.000+05:30

காணும்பொங்கல்,மாட்டுப்பொங்கல்,உழவர் திருநாள்,தமிழர் திருநாள்
இப்படி பலபெயர்களில் பொங்கலை கேள்விப்பட்ருப்பீங்க..!!
ஆனா,சந்துப்பொங்கல் பத்தி தெரியுமா..?!
சேலத்தில் உள்ள அனைத்து சந்துபொந்துகளிலும்
நடக்கும் பொங்கல்தான் அது.
ஒரு கட்டில் மூணு கல்(கிரைண்டர் இல்லீங்க)உம்மாச்சி.
இத வச்சு ஒரு தற்காலிக கோவில்.
இதை நடத்தினால்தான் அந்த சந்தும்(அ) தெருவும்,தெருவுல இருக்கறவங்களும் நல்லா இருப்பாங்களாம்..!!
ஆனா,ஒரு ஆடு மட்டும் நல்லா இருக்காது.
ஏன்னா...அததான் பலி கொடுக்கறதுக்கு கொன்றுவாங்களே..!!

தமிழ்ப்புத்தாண்டு கூட இந்த நாள்ல கலைஞர்
கொண்டாடசொல்லியிருக்காரு..!!
அவங்க கட்சிகாரங்களைத் தவிர எந்த தமிழனும் அவரு
பேச்ச கேக்க மாட்டாங்க..!!

நரகத்தில.. சாரி நகரத்தில இருக்கறவங்களுக்கு இது
மற்றுமொரு விடுமுறை நாள் மட்டுமே..!!
மூணுநாளும் முக்கிமுக்கி டிவியில சிறப்புநிகழ்ச்சி போடுவாங்க..!!
அதைப் பாத்துகிட்டே ஓட்டிருவாங்க..!!
முக்கியமா பட்டிமன்றம்..!!
பொங்கலில் சிறந்தது சர்க்கரைப் பொங்கலா..?! வெண் பொங்கலா..?!
பொங்கலுக்கு சிறந்தது சர்க்கரையா..?! வெல்லமா ..?!
கரும்பில் சிறந்தது வெள்ளைக்கரும்பா..?! கருப்பு கறும்பா ..?!
கணவனா..? மனைவியா ..?
பழைய பாடலா..? புதிய பாடலா ..?
வளர்கிறதா..? தேய்கிறதா..?
இந்த மாதிரி பட்டிமன்றம் பாத்தே பொங்கலை ஓட்டிருவாங்க..!!

கிராமங்களில்தான் பொங்கலை சிறப்பா கொண்டாடுறாங்க..!!
ஒரு ஊரே சாப்பிடற அளவுக்கு பானை வச்சு மூணு கரும்ப அத
சுத்தி வச்சு அலங்காரம் எல்லாம் பண்ணி அசத்துவாங்க..!!

அவங்க மேக்கப் பண்ணிக்கறாங்களோ இல்லையோ
மாட்டுக்கு நல்லா மேக்கப் பண்ணிருப்பாங்க..!!

பொங்கல் பொங்கும்போது குலவைசத்தம் போடுவாங்க..!!
நீங்க வேணா முயற்சி பண்ணிபாருங்க..!! நாக்கு சுளுக்கிக்கும்..!!
மக்கள் டிவிய தவிர மத்த எல்லா டிவியில இருக்கற தொகுப்பாளர்களும் தமிழை கொல்லுவாங்க... இவங்களுக்கு இந்த குலவைசத்தம் டிரைனிங் கொடுத்தா நல்லா இருக்கும்..!!

அப்புறம் இந்த ஜல்லிக்கட்டு.

வாழ்க்கையில ஒருநாளாவது இதுல கலந்து ஏதாவது ஒரு மாட்டையாவது அடக்கிடணும்ன்னு டிரை பண்றேன். முடிய மாட்டேங்குது.
டிவியில பாக்கும்போதே லேசா வயித்த கலக்கும்.

நம்ம பசுநேசன் ராமராஜன் சார் ஸ்டைல்ல பாட்டுப்பாடியாவது என்னைக்காவது ஒருநாள் அடக்கணும்..!!ஹி.ஹி..ஹி..

அப்புறம் ஒரு முக்கிய விஷயம் மகரசங்கராந்தியான இன்னிக்கு கொஞ்சூண்டு மொச்சைக்கொட்டை சாப்பிடலேன்னா கழுதை ஆயிடுவாங்களாம்.உடனே போய் கொஞ்சம் வாயில போட்டுக்குங்க... சந்தேகம்ன்னா, உங்க பாட்டிங்ககிட்ட கேட்டுப்பாருங்க...

சமயத்தில் உதவியதற்கு நன்றின்னு பின்னூட்டம் எல்லாம் போடவேணாம்.இது என் கடமை.ஹி.ஹி..ஹி...

பதிவுலக நண்பர்கள் மற்றும் குடும்பத்தினர்க்கு பொங்கல் நல்வாழ்த்துகள்.

ஏமாற்றி விட்டார் கேப்டன்...!!

2011-01-10T11:42:00.000+05:30

முதலிலேயே கூறிவிடுகிறேன்.இது எப்போதும் என் தளத்தில் வரும் அரிய கருத்துகள்(?!) அன்று.என்னுடைய அரசியல் பார்வை.

ஒரு வழியாய் எதிர்பார்க்கப்பட்டது போல் நடந்து முடிந்தது கேப்டன் விஜயகாந்த் அவர்களின் மாநாடு.10லட்சம்பேர்,50லட்சம்பேர்,1கோடிபேர் வருவார்கள் என்று கூவிக் கொண்டிருந்தார்கள்.கடைசியில் அவரே எதிர்பார்க்காத கூட்டம் வந்திருக்கும் போலத்தான் தெரிகிறது.

இதுக்கு ரஜினியே பரவாயில்லை என்று அவரின் ரசிகர்களே சொல்லியிருப்பார்கள்.அவராவது,இருந்த இடத்தில் இருந்து கொண்டு வருவேன்,வரலாம், வந்து கொண்டு இருக்கலாம் என்று வானிலை அறிக்கை போல் கூறிக் கொண்டிருப்பார்.

இவர் மாநாடு என்ற பெயரில் அனைத்து ரசிகர்களையும் மதியத்திலிருந்து இரவு வரை வெயிலில் தேவுடு காக்க வைத்துவிட்டு கூட்டணியை பற்றி கவலைப்படாதீர்கள். அதை நான் பார்த்து கொள்கிறேன்.நீங்கள் வீட்டுக்கு ஓழுங்காய் போய்ச் சேருங்கள் என்று அறிவுரை கூறி அனுப்பினார்.பத்திரிக்கையாளர்கள் வேறு மிகுந்த எதிரி்பார்ப்புடன் அவர் பேச்சையே கவனித்துக் கொண்டிருந்தனர்.கடைசியில் அவர்களுக்கும் பெருத்த ஏமாற்றமே.

ஆனால் எப்போதும் கலைஞர் ,அம்மா இருவரையும் விமர்சிப்பவர் கடைசிவரை மறந்து கூட ஜெயலலிதாவைப் பற்றி கூறாதது அவர் அ.தி.மு.க- வை நோக்கி நகர்வதையே காட்டுகிறது.சீட்டுக்கணக்கோ,பேரமோ படியவில்லை போல இருக்கிறது.அவர் கட்சியை அடகு வைக்க மாட்டேன் என்று கூறியுள்ளார்.விற்றுவிடுவாரா.?! என்று தெரியவில்லை.

இவர்கள் என்னமோ செய்துவிட்டுப் போகட்டும்.காமராஜரையும்,கக்கனையும் போன்ற நல்ல தலைவர்களை இவர்களோடு ஓப்பிடும் போது வருத்தம் அளிக்கிறது.இது போன்று பிரம்மாண்டமான மாநாடுகள் காமராஜர் காலத்தில் நடந்திருக்குமா..? பாதுகாப்புக்காக வரும் காவல்துறை வாகனத்தையே வேண்டாம் என்று கூறுபவர் காமராஜர் என்று படித்திருக்கிறேன்.
கடைசிவரை குடிசையிலேயே வாழ்ந்து மறைந்த கக்கன் போன்ற தலைவர்களோடு இவர்களை தயவு செய்து ஓப்பிடாமல் இவர்களுடைய தீர்மானங்களை பற்றி மட்டும் பேசினால் நன்று.

1500 கி.மீட்டருக்கு பேனர்கள் வைத்து கின்னஸ் சாதனை படைத்திருக்கிறார்களாம்.எந்த கட்சியும் இது போன்று சாதனையை நிகழ்த்தியதில்லை.முடிந்தால் இதுபோல் செய்து காட்டுங்கள் என்று மற்ற கட்சியினரை உசுப்பேற்றியிருக்கிறார்.ஏற்கனவே நன்றாக (?!)இருக்கும் ரோடுகளை இன்னும் கொத்த போகிறார்கள்.

இலங்கைத்தமிழர்க்கு நீதியையும்,கச்சத்தீவையும், முல்லைப்பெரியாற்று நீரையும்,காவிரி ஆற்றுத் தண்ணீரையும் வாங்கித்தராமல் ஓயப்போவதில்லை போல இருக்கிறது இந்த உரிமைமீட்பு மாநாடு.

குடும்ப அரசியல் செய்கிறார்கள் என்று கேப்டன் கட்சியினர் அனைவரும் கலைஞரை ஏசிவிட்டு கேப்டன் அவர்களின் மனைவியையும்,மைத்துனரையும் ,"அண்ணியார்"" இளைஞர்களின் எழுச்சி நாயகன்" என்று கூறியது நகைச்சுவைக்குரியது.

நான் செய்வதை காப்பி அடிப்பதே கலைஞருக்கு வேலையாகப்போய்விட்டது என்று பலதடவை கூறினார்.எப்போதும் ஐந்து விரல்களை காட்டும் கலைஞர்

நான் இந்த வெற்றியைக் குறிக்கும் முத்திரையைக் காட்ட ஆரம்பித்தவுடன்

அரசுசார்பில் தரும் பொங்கல்பைகளில் அவரும் அதைக் காப்பி அடிக்கிறார் என்று மிகவும் வருத்தப்பட்டார்

கலைஞரையையும் காவல்துறையையும் காய்ச்சி எடுத்தார்.அவர் படங்களில் வரும் காவல்துறையினரைப் போன்று எதிர்பார்க்கிறார் போல இருக்கிறது.உண்மையிலேயே விருதகிரி படத்தில் வருவதைப் போன்று காவல்துறையினரின் நிலைமை கவலைக்குரியது.ஸ்காட்லாண்ட் யார்டுக்கே நுணுக்கங்கள் கற்றுத்தரும் என் படங்களைப் பார்த்தாவது காவல் துறையினர் மேலும் நிறைய கற்றுக் கொள்ள வேண்டும் என்று கூறாமல் போனாரே..?!

இவ்வளவு கூட்டம் கூடிய மாநாட்டின் செய்திகள் எந்தப்பத்திரிக்கைகளிலும் பெரிய அளவில் வராதது கலைஞர் குடும்பத்தின் பத்திரிக்கை ஆக்ரமிப்பையே காட்டுகிறது.தி.மு.க வின் மாநாடாக இருந்திருந்தால் தினகரனில் பெரிய அளவில் வந்திருக்கும்.இதைப்பற்றி ஒரு சிறுபக்கம் கூட இல்லை.

இன்னும் தேர்தல் வருவதற்குள் இது போன்று மாநாடுகளையும்,வாக்குறுதிகளையும்,கட்சி மாறுதலையும்,அரசியல் தந்திரங்களையும் பார்க்கத்தானே போகிறோம்..!!

விலை நில(கல)வரம்..!!

2011-01-05T07:08:00.000+05:30

வெங்காயம் விலை வெள்ளியை,சூரியனை தொடுகிறது.
(எவ்ளோ நாளைக்குதான் விண்ணை தொடுகிறதுன்னு சொல்றது)
பூண்டு விலை நம்மை போண்டியாக்குகிறது.
தக்காளி விலை தவிக்க வைக்கிறது.

ஆனாலும்,
இந்தியாவில் எல்லா உணவு வகைகளும் மிகவும்

விலைகுறைவாக கிடைக்கும் ஒரு இடம் உள்ளது.

விலை நிலவரம்

டீ - 1.ரூ

சூப் - 2.50.ரூ

சுண்டல் - 1.50.ரூ

சாப்பாடு - 2.00.ரூ

சப்பாத்தி - 1.00.ரூ

சிக்கன் - 24.50.ரூ

தோசை - 4.00.ரூ

வெஜ்.பிரியாணி - 8.00.ரூ

மீன் - 13.00.ரூ

விலைவாசி நாட்ல எவ்வளவு ஏறினாலும் இங்க
இருக்கற ரேட் மட்டும் ஏறவே ஏறாது..!!

இருங்க..!! இருங்க..!!
எங்க பேக் பண்ண கிளம்பிட்டிங்க..?!

நாமல்லாம் அங்க போகமுடியாது.

ஏன் தெரியுமா..?!

இது எல்லாம் ரொம்ப குறைவா சம்பளம்

வாங்குற ஏழைங்களுக்கு மட்டும்தான்.
அந்த ஏழைங்களை நாமதான் அனுப்பி வைக்கிறோம்.

அது எந்த இடம் தெரியுமா..?!

நம்ம பார்லிமென்ட்தான்...

அந்த ஏழைகளின் சம்பளம் மட்டும் (Note this point your honour)
80,000.ரூ

அட... வருஷத்துக்கு இல்லீங்க..!! மாசத்திற்கு..!!
அதுக்கு மேல ஸ்பெக்ட்ரம்,காமன்வெல்த்,கான்ட்ராக்ட் தனி..!!

உடனே போய் ரெண்டு ஜெலுசில் மாத்திர வாங்கி சாப்ட்ருங்க..!!

ஓவர் வயித்தெரிச்சல் உடம்புக்கு ஆகாதுங்க..!!

நாம எப்பயும் போல புள்ளைங்கள படிக்க வைக்கலாம்..!!

இது எனக்கு SMS-ல வந்தது.

அதுல கொஞ்சம் பட்டி டிங்கரிங் பாத்து போட்ருக்கேன்.

ஹி.ஹி..ஹி...

சபதம் ஏற்போம்..!! சாதம் தவிர்ப்போம்..!!

2010-12-31T08:51:00.000+05:30

"மாற்றம் ஒன்றே மாறாதது" (நோட் பண்ணுங்கப்பா)
புது வருஷம் வரப்போவுது..!!
என் மகள் பிறந்த வருடமா இருக்கறதால 2010 வருடம்
எனக்கு ரொம்ப ஸ்பெஷல். கூகிளாரோட புண்ணியத்துல
என்னோட பிளாக்க ஆரம்பிச்சி உங்களயெல்லாம்
இம்சை பண்றதுலயும் இந்த வருடம் ரொம்ப ரொம்ப ஸ்பெஷல்.

எனக்கு ஒரு டவுட்டுங்க..?! தமிழ்நாட்ல இருக்கற மாதிரி எல்லா நாட்லயும் ஆங்கில வருடப்பிறப்பு,தமிழ் வருடப்பிறப்புன்னு (கூடுதலா தெலுங்கு வருடப்பிறப்பு வேற ) தனித்தனியா இருக்குமா..?!

ஒவ்வொரு வருஷ ஆரம்பத்திலயும் இந்த வருஷமாவது
ஒரு சில விஷயத்த தவறாம செய்யணும்ன்னு தீர்மானம் போடுவேன்.
ஆனா பாருங்க, முத நாளே அத செய்ய முடியாது.

1.காலையில் 5 மணிக்கு எழுந்து சூரியோதயத்தை பார்க்க வேண்டும்.
இந்த டிவி காரனுங்களாலதான் என்னோட தீர்மானம் எல்லாம் சொதப்பிடுது.புத்தாண்டுக்கு முதல்நாள் இரவு போடற நிகழ்ச்சிகள்
எல்லாம் பாத்துட்டு படுத்தா சூரியன்தான் என்னை வந்து பாக்கணும்.
கெரகம் காலையில 8 மணி ஆயிருக்கும்.இந்த செல்போன் அலாரத்துக்கு மட்டும் வாய் இருந்திச்சின்னா நாம வெட்கப்படற அளவுக்கு திட்டும்.ரொம்ப பொறுப்பா அலாரம் வச்சிட்டு காலையில் அது அடிக்கும்போது ஆப் பண்ணிட்டு கீழே போட்டு அதுக்கு மேலேயே படுத்தா அதுக்கு கோபம் வராது..?!

2.ஒரு மணிநேரம் வாக்கிங் போக வேண்டும்.
"10 கிலோ லட்சியம் 2 கிலோ நிச்சயம்"
ஏதோ அண்ணாவோட அறிக்கைன்னு நினைக்காதீங்க..!!
இப்படிதான் வருஷாவருஷம் புது வருஷத்துல உடம்ப
குறைக்கிறேன்னுட்டு சபதம் எடுப்பேன்..!!
சிங்கிள்பேக்கா இருக்கற வயித்த சிக்ஸ்பேக்கா
மாத்தலாம்ன்னு பத்து வருஷமா தீர்மானம் போடறேன்..!!
வீட்ல வடிச்சி கொட்ற சாதத்துல என் சபதம் சப்தம் இல்லாம போயிரும்.
அரசியல்வாதிங்க வாக்குறுதி மாதிரி
இது வரைக்கும் நிறைவேறினதே இல்ல..!!

3.கோபம் கொள்ளக்கூடாது.
முத நாளே போட்ட தீர்மானத்தில இருந்து காலையில எந்திரிக்கறதும்,
வாக்கிங் போறதும் நிறைவேத்த முடியலயேன்னு கோபம்கோபமா வரும்..!!
டென்சன் ஆகி சொறிநாய் கடிச்ச வெறிநாய் மாதிரி ஆகி பாக்கறவங்கள எல்லாம் கடிச்சி வைக்க வேண்டியதுதான்..!!

4.திட்டமிட்ட நேரத்தில் செய்ய வேண்டும்.
திட்டு வாங்கியே பழக்கப்பட்ட எனக்கு
எங்க போய் திட்டமிட்ட நேரத்தில் செய்றது..?!
எல்லாம் லேட்தான்..!! இனிமே பிளான் பண்ணி பண்ணனும்..!!

எனக்கு இந்த தண்ணி அடிக்கறது,தம் அடிக்கறது-ன்ற மாதிரி உலகின் பேரின்பங்கள் மேல பற்று இல்லாததால அதைப்பத்தி எழுதல..!!
நிறைய பேரு புது வருஷத்துல இருந்து தண்ணி அடிக்ககூடாதுன்னு முடிவெடுத்து முத நாளே ஒரு வாரத்துக்கு சேத்து அடிச்சி
ரெண்டு நாளைக்கி மட்டையாயிருவாங்க..!!

நீங்களும் இதுமாதிரி ஏதாவது தீர்மானம் போட்டு இருப்பீங்க..!!
அதை பின்னூட்டத்தில எழுதினிங்கன்னா அதையும்
என் லிஸ்ட்ல சேத்துக்குவேன்..!! ஹி.ஹி..ஹி...
கோபத்துல இவன் பிளாக்குக்கு இனிமே வரக்கூடாதுன்னு
தீர்மானம் போட்றாதீங்க..!!

பதிவுலக நண்பர்கள் அவர்கள் குடும்பத்தினர் அனைவர்க்கும்
உளம்கனிந்த இனிய புத்தாண்டு நல்வாழ்த்துக்கள்..!!
என்றும் அன்புடன்....

பக்தி சிகாமணி..!!

2010-12-20T15:51:00.000+05:30

ரொம்ப நாளாச்சு பதிவு போட்டு..!!

நீங்கல்லாம் வருத்தத்துல இருக்கறது தெரியுது..!!

(நாங்க எப்ப சொன்னோம்ன்னு கேட்டு என்ன அழ வைக்க கூடாது)

ஒரு நல்ல விஷயத்தோடஆரம்பிக்கலாம்..!!

எப்பயும் நம்ம பலபேருக்கு உத்வேகத்தை கொடுக்கறவங்களா இருக்கணும்.

எப்படி..? பதிவுலகத்தில இணையணும்ன்னு ஆசைப்படறவங்க

நம்ம "அமீரகச் சிங்கம்"தேவா அவர்களோட பதிவுகளை

படிச்சாங்கன்னா இதெல்லாம் நமக்கு சரிப்பட்டு வராதுன்னு

படிக்கறதோட நிறுத்திக்குவாங்க..!!

ஆனா,இந்த சேலம் "சிங்கம்" (!?)உயர்திரு.தேவா அவர்களோட பதிவுகள படிச்சாங்கன்னா உடனே ஒரு பிளாக் ஆரம்பிச்சிருவாங்க..!!

எப்படி..?! இவனெல்லாம் எழுதறப்போ நாம இன்னும்

நல்லாவே எழுதலாம்ன்னு நினைப்பாங்க..!!

இப்படிதான் உத்வேகம் தரணும்.ஹி.ஹி..ஹி...

நகரம் எல்லாம் நரகம் ஆயிட்டு வருது..!!

(சத்தியமா சுந்தர்.சி படத்த சொல்லலீங்க)

கார்த்திகை மார்கழி மாசம் வந்தாலே நம்மாளுங்களுக்கு

பக்தி கரை புரண்டு ஓடும்..!!

திருப்பாவையும்,திருவெம்பாவையும்இயற்றியஆழ்வார்களும்,

நாயன்மார்களும் பயப்படற அளவுக்கு நம்மாளுங்க

எல்.ஆர்.ஈஸ்வரி பாட்டு எல்லாம் போடுவாங்க..!!

சாமிய காலங்காத்தால எழுப்புகிறேன் பேர்வழின்னுட்டு

இந்த பாட்டு எல்லாம் போடறாங்களாம்.

சாமி எந்திரிக்கறாரோ இல்லையோ நம்மள எழுப்பிருவானுங்க..!!

கோயில்ல அவனும் தூங்காம, நல்லா தூக்கம் வர்றவனையும்

தூங்க விடாம , காலையில 4 மணிக்கே அந்த கிழிஞ்சு போன ஸ்பீக்கர்ல அரதப்பழசான பக்தி பாடல்களை போடுவானுங்க பாருங்க..!!

பக்தி வரும்ன்னு நினைக்கறீங்க..!! கோபம் கோபமா வரும்..!!

வைகுண்ட ஏகாதசிக்கு பெருமாள் கோவில் போனீங்களா..?!

வருஷாவருஷம் பக்தி அதிகமாயிட்டே வருது..!!

பெருமாளுக்கும்(?!) வருமானம் அதிகமாயிட்டே இருக்கு..!!

சொர்க்கவாசல் திறந்தா ஏன் இந்த அரசியல்வியாதிங்க

முதல்ல போறாங்க தெரியுமா..?!

அவங்கல்லாம் இப்டிதான் சொர்க்கத்துக்கு போகமுடியும்..!!

உண்மையில நரகத்துக்குதான் போவாங்க..!!

பல வருஷமா சபரிமலைக்கு போயிட்டு இருந்த நம்பியார் சாமி கூட

அவர குருசாமின்னு சொல்லிகிட்டதில்ல..!!

ஆனா இங்க லோக்கல் சாமிங்க இருக்கும் பாருங்க நேத்து வரைக்கும் டாஸ்மாக்கே கதின்னு கிடந்தவங்க மாலை போட்டுகிட்டு ஊர் பூரா

நோட்டீஸ்ல குருசாமின்னு அவங்களே போட்டுக்குவாங்க..!!

அய்யப்ப சாமிக்கே ரூல்ஸ் சொல்லித் தருவாங்க இவங்க..!!

கடவுள் முன்னால எல்லாரும் சமம்ன்னு சொல்லுவாங்க..!!

ஆனா பாருங்க..!!

இந்த மனுச பயபுள்ளைங்க சிறப்பு தரிசனம்ன்ற பேர்ல

300 கொடுத்தா முன்னால பாக்கலாம்.

100 கொடுத்தா பின்னால பாக்கலாம்ன்னு

சாமிய வச்சு பிஸினஸ் பண்ணுதுங்க..!!

பக்தி எப்ப வியாபாரமாச்சோ அப்பவே நான் கோவிலுக்கு போறத விட்டுட்டேன்ன்னு நடிகர் சிவக்குமார் ஒரு நிகழ்ச்சியில சொல்லியிருப்பாரு.அவரோட கருத்தைதான் நான் வழிமொழிகிறேன்.

"கணவனே கண்கண்ட தெய்வம்"

"மணாளனே மங்கையின் பாக்கியம்"

"கல்லானாலும் கணவன்

புல் அடிச்சாலும் (ச்சீ..நாக்கு குளறிடிச்சி) புல்லானாலும் புருஷன்"

பழமொழி எல்லாம் கேக்கறப்ப ஓரே சிரிப்புசிரிப்பா வரும் எனக்கு..!!

இவ்ளோ சொல்றாங்களே என்னையே தினமும் கும்புட்டுக்கம்மான்னு சொன்னா கேக்க மாட்டாங்க எங்க வீட்டு தங்கமணி..!!

கோயிலுக்குதான் போவேன்னு அடம் பிடிப்பாங்க..!!

இதுக்கப்புறம் பூஜை நடக்கும் பாருங்க..!! சாமிக்கு இல்லீங்க எனக்கு..!!

நான் மனசையே கோவிலா வச்சுருக்கறதால(?!) கோவிலுக்கு போறதே பொங்கலுக்கும் புளியோதரைக்கும்தான். அதுலயும் இந்த ஆஞ்சனேயர் கோவில் வடை அவ்ளோ திவ்யமா இருக்கும்.எங்கயும் இந்த டேஸ்ட் வரமாட்டேங்குது .ஹி.ஹி..ஹி...

கோவிலுக்கு போனா அமைதி தானா வரணும்.

ஆனா,இப்பல்லாம் அங்க நடக்கறத பாத்தா கோபம்தான் வருது..!!

போன வாரம் வேண்டுதலுக்காக ஒரு கோவிலுக்கு போயிருந்தோம். உண்மையிலேயே மனசு ரொம்ப அமைதியா இருந்துச்சு.நகரத்தோட(நரகத்தோட..) பாதிப்புகள் இன்னும் அங்க வரல ஒரு அழகிய கிராமம். ஒரு அழகிய கோவில்.படங்கள் கீழே...

கரூர்ல இருந்து ஒரு 15 KM தள்ளி வெஞ்சமாங்கூடலூர்

(வெண்சாமரக்கூடலூர்)என்கிற ஊர்ல இருக்கு இந்த கோவில்.

மாதா. .பிதா... கூகிள்....!!

2010-11-25T07:34:00.000+05:30

இன்னும் கொஞ்சகாலத்தில இப்டிதான் சொல்லுவாங்க போல இருக்கு..!!

இணையத்தை தொடக்க காலத்தில் உபயோகிக்கும் போது எதப் பத்தி கேட்டாலும் இந்த கூகிளார் சொல்றாரேன்னுட்டு
ஒரே ஆச்சரியமா இருக்கும்..!!

என்னோட ஸ்கூல் வாத்தியாருங்க எல்லாம் நினைவுக்கு வர்றாங்க..!!

எங்க ஸ்கூல்ல பாடம் நடத்திட்டுருக்கற ஒரு சில
வாத்தியாருங்ககிட்ட சார்..! ஒரு சந்தேகம்ன்னு எந்திரிச்சாலே கன்னாபின்னான்னு திட்டுவாங்க..!!
சாக்பீஸ கொண்டு அடிப்பாங்க..!!
டஸ்டரை நம்ம மூஞ்சில எறிவாங்க..!!
ஏண்ணா..?? அவருக்கே தெரியாது..?!

ஒரு சப்ஜெக்ட் நடத்திட்டு இருக்கற வாத்தியாருகிட்ட
வேற சப்ஜெக்ட் பத்தி கேட்டு பாருங்க..!!
உங்கள தீவிரவாதி மாதிரியே பாப்பாங்க..!!
நமக்கு மட்டும் ஆறு சப்ஜெக்ட் கொடுத்து கொல்றாங்களே..!?
இவரு ஒரு சப்ஜெக்ட் மட்டும் படிச்சி எப்டி வாத்தியாரு
ஆகியிருப்பாருன்னு ரொம்ப புத்திசாலித்தனமா யோசிப்பேன்..!!

பாடம் ரொம்ப போரடிச்சதுன்னா எந்திரிச்சி
எசகுபிசகா சந்தேகம் கேட்டா வாத்தியாரே
நம்மள வெளிய அனுப்பிருவாரு..!!

நவீனயுகத்துல எட்டப்பன்கள் யாருங்கன்னா கிளாஸ் லீடருங்கதான்..!!
தூங்கறதுக்குண்னே ஸ்கூலுக்கு வர்ற ஆசிரியர்கள் கூட இருக்காங்க..!!

அவங்க தூங்கிட்டு இருக்கும்போது அவனவன் என்ன பண்ணான்னு
போட்டுக் கொடுக்கறதுக்குண்ணே ஒரு கிளாஸ் லீடருன்னு ஒருத்தன் இருப்பான். நான் முதல்ல இவனதான் தாஜா பண்ணி வச்சுக்குவேன்.
ஹி.ஹி..ஹி...டீ,காப்பி,போண்டா,வடை வாங்கி தர்றதுக்குண்ணே
சில பேர் இருப்பானுவ அவனுங்கதான் லீடர் வராதப்ப உதவி லீடருங்க..!!

வீட்டுக்காரம்மா திட்னா அந்த எரிச்சலை நம்மகிட்ட வந்து காட்றது..!! வாத்தியாரு பிள்ள மக்குன்னு சொல்ற மாதிரி அவரு புள்ளைங்க பெயிலா போனா அந்த காண்டுல நம்மள வந்து அடி பின்றது..!!
இவரு ஸ்கூல்ல ஒழுங்கா சொல்லித்தராம அவரு நடத்தற
டீயூசனுக்கு வர சொல்றது..!! எத்த்த்தததன..!!

இதுக்கு மேலயும் இவங்க பண்ற அலப்பறை எல்லாம் அப்பப்ப
நாளிதழ்கள்ல நீங்களே பாத்திருப்பீங்க...

ஆனா நம்ப கூகிளார் எதைக் கேட்டாலும் தர்றாரு..!!
எப்படி கேட்டாலும் தர்றாரு..!! (யாருப்பா அங்க கடன் கேக்கறது..?)
அதனால நான் இனிமே மேல சொன்ன தலைப்புக்கு
மாறிடலாம்ன்னு இருக்கேன்.அப்ப நீங்க..?!

மனசாட்சியோடு பிளாக்கர் உபயோகிக்கறவங்க
எல்லாம் ஓட்டு போடுங்க சொல்லிபுட்டேன்..!!

இது என்னோட தினம்..!!

2010-11-14T06:49:00.002+05:30

ஹி.ஹி..ஹி... குழந்தைகள் தினத்த சொன்னேங்க..!
எனக்கு ஒரு குழந்த இருந்தாலும் நானும் இன்னும்
ஒரு குழந்த மாதிரிதான்..!! நம்புங்கப்பா..!!

குழந்தைகள் உலகமே ஒரு சொர்க்கமுங்க..!!
உங்களுக்கு எவ்ளோ கவலைகள் இருந்தாலும்
அவங்கள கொஞ்ச நேரம் பாத்துட்டு இருங்க..!!
எல்லாத்தையும் மறக்கடிச்சுடும் அவங்க குறும்புகள்..!!

குழந்தைகளாட்டத்தின் கனவையெல்லாம்

அந்தக் கோலநாட்டிடைக் காண்பீரே..!!

இழந்த நல்லின்பங்கள் மீட்குறலாம்..!!

நீர் ஏகுதிர் கற்பனை நகருக்கே..!!

எல்லாத்தையும் பாடின பாரதி குழந்தைகளை பத்தியும் பாடியிருக்காரு..!!

அப்படிப்பட்ட குழந்தைங்களையும் கடத்தி

கொல்றானுங்கன்னா அவனுங்க மனுசனுங்களே இல்ல..!!

"பாதகம் செய்பவரை கண்டால் நாம் பயங் கொள்ளலாகாது பாப்பா

மோதி மிதித்து விடு பாப்பா அவர் முகத்தில் உமிழ்ந்து விடு பாப்பா"

குழந்தைங்கள பாதுகாக்கறத விட்டுட்டு அரசு ''குழந்தைகள் தினம்''ன்னு கொண்டாடுறதுல அர்த்தமே இல்ல..!!

எந்த குழந்தையும் நல்ல குழந்தைதான் மண்ணில் பிறக்கையிலே

அது நல்லவராவதும் தீயவராவதும் அன்னை வளர்ப்பினிலே..!!

மனுசனுக்கு இருக்கற எந்த கெட்ட குணமும் குழந்தைகளுக்கு கிடையாது..!! நாமதான் அவங்களுக்கு கத்துத் தர்றோம்..!!

நல்லதை சொல்லி தருவோம்..!!

குழந்தைங்கள கொண்டாடுவோம்..!!

குட்டிஸ்ங்க எல்லாத்துக்கும் ஹேப்பி சில்ரன்ஸ் டே..!!

( இப்பல்லாம் தமிழ்ல வாழ்த்து சொன்னா குழந்தைங்களுக்கு

புரியறதுல்ல..!! தமிழை கத்துக்கொடுங்கப்பா..!!)

தீபாவளி ஸ்பெஷல்..!!

2010-11-02T09:18:00.001+05:30

தீபாவளி வரப் போவுது..!!
பலகாரம்,பட்டாசு, துணி மணியெல்லாம் வாங்கியாச்சா..?!
(Money இருந்தாதான் துணி எடுக்க முடியும்)

குழந்தைங்களா இருக்கற வரைக்கும் புடிக்கற பட்டாசு
இப்பல்லாம் புடிக்க மாட்டேங்குது..!! வயசாயிடுச்சோ..?!
ஸ்வீட் சாப்பிடவும் பயமா இருக்கு..!!
சக்கரவியாதி சளித்தொந்தரவு பயம்தான்..!!

கேப்பு டுப்பாக்கி,ஊசிவெடி, ஓலைவெடி, லட்சுமிவெடி, சரஸ்வதி வெடி,
வெங்காய வெடி,புஸ்வாணம் கம்பி மத்தாப்பு, சங்குசக்கரம்,
இந்த மாதிரி தமிழ் பேருங்க வச்சதெல்லாம் அந்தக்காலம்..!!

Bloom,Golden Dawn,Blue Wonder,Jasmine Drops,Jewel of India,Mystical Night,Canon Balls,Speed 200 ஏதோ இங்கிலீஷ் பட பேருங்க மாதிரியே இருக்குல்ல..!!
இதெல்லாம் புதுசா வந்திருக்கற பட்டாசுங்களாம்..!!

பட்டாசு கடைக்கு போனா டிசைன் டிசைனா பேர் எல்லாம் சொல்வாங்க..!!
நம்ம பயபுள்ளைங்கள கூப்ட்டு போனா எது இருக்கறதுலயே பெரிசா இருக்குமோ அதைதான் வேணும்ன்னு கேக்குமுங்க..!!

விலைய கேட்டா நமக்குள்ள அணுகுண்டெல்லாம் வெடிக்கும்..!!

வெங்காயவெடின்னு ஒண்ணு இருக்குங்க..!! செம சவுண்ட்டா இருக்கும்..!! தேங்காய கீழ அடிக்கற மாதிரி அத செவுத்துல அடிக்கனும்.
அது விக்கறது சட்டப்படி குற்றம்.அதனால,ஈஸியா கிடைக்காது.
அத வாங்கறதுக்கு ஒசாமாபின்லேடன் ஏதோ அணுகுண்டு வாங்கறதுக்கு போடற மாதிரி பிளான் எல்லாம் போடுவானுங்க நம்ம ஊரு பசங்க...

நாங்க பட்டாசு வெடிக்கறத பாத்து ஊரே கதிகலங்கும்..!!

உடனே இவரு பண்ற மாதிரி பில்டப்பா நெனச்சராதீங்க..!!
சரவெடிய தோள்ல போட்டு வெடிப்பான்..!!
அணுகுண்ட கேட்ச் புடிச்சு வெடிப்பான்ன்னு
கனவு எல்லாம் காணக் கூடாது..!!

ஊசி பட்டாசு வெடிக்கறதுக்கே, இந்த சிலம்பாட்டம் ஆடுவாங்களே..!!
அந்த நீளத்துக்கு ஊதுவத்தி கேப்பேன்னா பாத்துக்கோங்களேன்..!!
இந்த புஸ்வாணம் இருக்கே நம்ம பத்தவெக்கும்போது வெடிக்காது..!!
என்னாச்சுன்னு டெஸ்ட் பண்ணப்போகும்போது
நம்ம மூஞ்சிலதான் வெடிக்கும்..!!

டிவியில இந்திய தொலைக்காட்சியில முதன்முதலா
எத்தன படங்கள் வரப்போவுதுன்னு தெரியல..!!

சரி போகட்டும் நம்ம விஷயத்துக்கு வரேன்
(அப்ப இதுவரைக்கும் வரவே இல்லியா..??!!)
நம்ம பதிவர்கள் எல்லார் வீட்டுக்கும் வந்து
பட்டாசு தரணும்ன்னுதான் ஆசை..!!
ஆனா பாருங்க நான் கொஞ்சம் பிஸி..!!
அதனால இந்த லிங்க கிளிக் பண்ணி உங்க
வாண்டுங்களுக்கெல்லாம் பட்டாசு கொடுத்துருங்க..!!
சின்னபுள்ளத்தனமா நீங்க வெடிக்ககூடாது சொல்லிபுட்டேன்..!!
பாத்துபுட்டு கஞ்சப்பயல்,எச்சில் கையால் காக்கை ஓட்டாதவர் அப்டின்னு மரியாதையாக பின்னூட்டம் எல்லாம் போடக்கூடாது..!! ஓகே..!!

அனைவர்க்கும் இனிய தீபாவளி நல்வாழ்த்துகள்..!!

புண்ணியம் தேடி...

2010-10-27T11:06:00.001+05:30

காசிக்கு எல்லாம் போக வேணாம்...
நம்ம கணினியிலேயே அதை தேடிக்கலாம்.

எப்படி?

மனநலம் பாதிக்கபட்டவங்களை தாயுள்ளத்துடன்
ஆதரிக்கற நம்ம மதுரை இளைஞர் "நேசம் கிருஷ்ணனுக்கு"
உங்களால் உதவி பண்ணமுடியும்.

இவர பத்தி விகடன்ல கூட ஒரு கட்டுரை வந்திருக்கு.

அப்பப்ப இந்த வெளிநாட்டுக்காரங்க நல்லதெல்லாம் கூட பண்ணுவாங்க...
" CNN HERO OF THE YEAR "
அப்டின்னு ஒரு வாக்கெடுப்பு நடக்குது.
இதுல ஜெயிச்சா அந்த இளைஞர் இன்னும் அவங்களுக்கு உதவலாம்.

நீங்க ஒரு ஐந்து நிமிடம் ஒதுக்கி அவருக்கு இந்த LINK ல போய்
அவருக்கு ஒரு ஓட்டு மட்டும் போடுங்க.உங்களுக்கு புண்ணியமா போகும்.

இவரைப்பற்றி வேறுசில பதிவுகள்...
ஜாக்கிசேகர்
வந்தேமாதரம்
எஸ்கா

படிச்சிட்டு எனக்கு ஓட்டு போடாம போறமாதிரி இதுக்கும் பண்ணிடாதீங்க...

எத்தனை முறை வேண்டுமானாலும் ஓட்டு போடலாம்..

ஒரு நாலஞ்சு கள்ள ஓட்டு போடுங்களேன்...

அரசியல்வியாதிகளுக்கு ஓட்டு போடறத விட இவருக்கு போடலாம்.

பாட்டுப்பாடவா...

2010-10-11T21:38:00.001+05:30

அய்யய்யோ வேணாம்..!!

இந்த பதிலைத்தான் வீட்ல அடிக்கடி சொல்லுவாங்க..!

சின்ன வயசுலருந்து பாடறதுன்னா ரொம்ப ஆசை.

ஆனா,அது கேக்கறவங்களுக்கும் இருக்கணுமே...

தயவு செஞ்சு பாடாதே..!! வேணாம்..!! விட்ரு...!!

கழுதை கத்தற மாதிரியே இருக்கு..!!

தூங்கிருவோம்...குழந்தை பயந்துக்கும்...

இப்டி எல்லாம் சொல்லியே ஒரு மைக்டைசனை ச்சீ...

மைக்கேல் ஜாக்ஸன முடக்கி வச்சுட்டாங்க...

நம்மளும் ஒரு SPB, யேசுதாஸ், ஹரிஹரன் மாதிரி

ஆகலாம்ன்னு பாத்தா யாராவது ஒருத்தர் மாதிரிதான்ப்பா

ஆக முடியும்ன்னு நக்கல் வேற...

SPB மாதிரி ஆகலாம்ன்னா, அவரு மாதிரி உடம்புதான்

வளருதே தவிர குரல் வந்த மாதிரி தெரியல...

அந்த மைக் மேல அப்டி ஒரு ஆசை..!!

மைக் மோகன்,மைக் முரளி படத்த எல்லாம் இதுக்காகவே

பலமுறை பாத்து இருக்கேன்.எங்க ஊரு பண்டிகை எல்லாத்துலயும்

ஆஸ்தான அறிவிப்பாளர் நான்தான்..!!

(பெரிய SUN TV, NDTV அறிவிப்பாளர் கூட இப்டி பந்தா பண்ண மாட்டான்)

நம்ம பாடறத காசு கொடுத்து கேக்க வேணாம்..!!

காது கொடுத்து கேக்கலாம் இல்ல..!! கேக்க மாட்டாங்க..!!

பொறமை புடிச்ச பய புள்ளைங்க..!!

இப்பல்லாம் எந்த சேனல போட்டாலும் விதவிதமா

நிறையபாட்டு போட்டிங்க நடக்குது..!!

அதுல பாடறவங்களுக்கு முதல்விதிமுறையே

நல்லா பாட தெரியுதோ இல்லையோ..??!!

பாத்துட்ருக்கறவங்க எல்லாத்தையும் நல்லா

அழுவ வைக்க தெரியணும்.

நல்லா ஓஓஓஓ...ன்னு கதறி கதறி அழுவணும்.

அப்பதான் ஏதோ டிஆர்பி ரேட்டிங் ஏறுமாம்.

அதுவும் இந்த குழந்தைங்கள இவங்க பண்ற டார்ச்சர் இருக்குதே..!!

அந்த குழந்தை போட்டில இருந்து வெளிய போறதயே ஏதோ செவ்வாய்

கிரகத்துக்கு போற மாதிரி பில்டப் பண்ணுவாங்க..!!ரொம்ப கொடுமைங்க..

குழந்தைங்க பாடறதுக்கு ஏதோ அயோத்திவழக்குக்கு

தீர்ப்பு சொல்ற மாதிரி 3 நீதிபதிகள் வேற....

"குழல்இனிது யாழ்இனிது என்பர்தம் மக்கள்

மழலைச் சொல் கேளாதவர்"

அப்டின்னு வள்ளுவர் சொல்ற மாதிரி குழந்தைங்க எப்படி பாடினாலும் அழகுதான்... ஆனா,இந்த நீதிபதிங்க குடுப்பாங்க பாருங்க கமெண்ட்..!!
ரொம்ப கேவலமா இருக்கும்..!!

ஏழு கட்டை,எட்டு கட்டை -ன்னு சொல்றாங்களே நம்ம டிரை பண்ணி பாப்போம்ன்னு பாத்தா வீட்ல விறகு கட்டைய எடுத்து அடிக்க வர்றாங்க...

சாதகம்.. சாதகம்... அப்டின்னு சொல்றாங்களே..!!

நம்ம ஜாதகத்த பத்திதான் ஏதோ சொல்றாங்க போல இருக்கு அப்டின்னு ஜோசியக்காரங்ககிட்ட போனா அதுக்கு நீங்க இங்க வரக்கூடாதுங்க..!! கழுத்தளவு தண்ணியில நின்னு சரிகமபதநிச சொல்லணும்.

ஆனா,வந்ததுக்கு ஒண்ணு சொல்றேன்..

உங்களுக்கு தண்ணியில கண்டம் அப்டின்னு சொல்லி

நம்மள அடக்கிருவாங்க....

இப்டிதாங்க நிறைய பேரோட திறமை வீட்டுக்குள்ளேயே முடங்கி போச்சு..!!

நீங்கனாச்சும் உங்க பிள்ளைங்க திறமைய கண்டுபிடிச்சு அத பாராட்டுங்க..!!

அப்பா..!! எப்டியோ வெட்டியா பதிவு போடாம மெஸேஜ் சொல்லியாச்சு..!!

காமன்வெல்த் 2010 (இது என் நண்பரின் கற்பனை)

2010-10-04T20:33:00.000+05:30

2003-ம் ஆண்டில் 2010-க்கான காமன்வெல்த் போட்டிகள்
நடத்த இந்தியாவும் கனடாவும் போட்டிபோட்டன.

கனடா ஒட்டு போடும் நாடுகளுக்கு தலா 36லட்சம் ரூபாய் தருவதாகசொன்னது.
ஆனால்,இந்தியாவோ,தலா 72 லட்சம் ரூபாய் கொடுத்து
போட்டி நடத்த உரிமை பெற்றது.

2007-ம் ஆண்டு போட்டிக்காக முதற்கட்ட நிதி ஒதுக்கப்பட்டது.
அந்த நிதிகள் எல்லாமே அட்வான்ஸ் கமிஷனாக
சேரவேண்டியவர்களுக்கு போய் சேர்ந்தது.

உருப்படியாக நடந்த முதல் காரியம் டெல்லி விமான நிலையத்தில்
மூணாவது டெர்மினல் திறக்கப்பட்டது.
உருப்படியில்லாமல் போக முதல் காரணம் சுரேஷ்கல்மாடி நியமிக்கப்பட்டது.

2010 ஜீன் வரை மைதானங்கள் தயார் நிலையில் இல்லை.
அதற்கு மைதானங்களை சரியான நேரத்தில் எங்களிடம்
ஒப்படைக்கவில்லை என்று சுரேஷ்கல்மாடி கூறினார்.
பிறகு மீடியாக்கள் தயவால் ஊழல் வெட்டவெளிச்சமானது.

நிலைமை மோசமானதால் வேறு வழியில்லாமல்

மன்மோகன் களத்தில் இறங்கினார்.

மன்மோகனும் காமன்வெல்த் பொறுப்பாளர்களும் போட்டி நடைபெறும் இடங்களை ஆய்வு செய்தனர்.

அப்போது நடந்த உரையாடல் ஒரு கற்பனை.

மன்மோகன்சிங் : இன்னிக்கு நான் லீவ்..!! அதனால் போட்டி நடைபெறும் இடங்களை சுற்றி பார்க்கலாம்.

கில் : ஒகே சார்!!

சுரேஷ்கல்மாடி : (கில் காதில்) அவசரப்பட்டு ஓகே சொல்லாதீங்க..!!

PM வரும்போது கான்கீரிட் இடிஞ்சு போச்சுன்னா என்னா பண்றது??

கில் : என்ன பண்றது நாமதான் தள்ளி நிக்கணும்.

மன்மோகன்சிங் : நிறைய இடத்தில ஒழுவுதுன்னு சொன்னாங்களே..!!

அதுக்கு என்ன பண்ணியிருக்கிங்க?

கல்மாடி : தினசரி 300ரூ. வாடகைக்கு 4000 வாளி ஆர்டர் பண்ணியிருக்கோம் சார்..!! ஒழுவுற இடத்தில எல்லாம் அதை வைப்போம்.

கில் : நல்ல ஐடியா..!!

மன்மோகன்சிங் : மண்ணாங்கட்டி!! உடனே அந்த ஆர்டரை கேன்சல் பண்ணுங்க!! பக்கெட் விலையே 100 ரூபாதான்!! 300 ரூ வாடகையா??

கில் : வேற என்ன சார் பண்றது ?

மன்மோகன்சிங் : உடனே தார்ப்பாய் வாங்கி எல்லா இடத்திலயும் மேல போட்டு கவர் பண்ணுங்க..!!

கல்மாடி : உடனே செஞ்சுர்றேன் சார்..!!

மன்மோகன்சிங் : கருமம்! கருமம்!! உங்கள எல்லாம் வச்சி வேல வாங்கறதுக்குள்ள பேசாம வாத்தியாராவே இருந்திருக்கலாம்.

நரசிம்மராவ் சார டெய்லி நினச்சி பாக்க வேண்டியதா இருக்கு.

அவராலதானே மந்திரியாகி இவ்ளோ கஷ்டம்..!!

மன்மோகன்சிங் : (ஷீலா தீட்சித்திடம்)

வயசான காலத்தில ஏம்மா உங்களுக்கு இந்த வேலை..!!

மிகவும் பிற்படுத்தப்பட்டோர் நிதி சுமார் 800 கோடி இதுல ஏம்மா போட்டீங்க?

ஷீலா தீட்சித் : எவ்ளோ பணம் குடுத்தாலும் பத்தலன்னு சொல்றாங்க..!! அதனால சும்மா ஒரு ரொடேசன்தான் சார்!!

இவ்ளோ பிரச்சினைக்கும் மணிசங்கர் ஐயர்தான் சார் காரணம்!!

மனசுல வச்சிருக்கறது எல்லாம் மீடியாவுல கொட்டிட்டாரு!!

மன்மோகன்சிங் : 3 வருஷம் விளையாட்டுத்துறை அமைச்சரா இருந்து என்னதான் செஞ்சாரு??

2009 எலக்சன்ல தோத்த விரக்தியில இப்படியா பண்றது?

ஷீலாதீட்சித் : கவலைபடாதீங்க சார்..!! அணு ஆயுத ஒப்பந்தத்தையே சமாளிச்சுட்டோம்..!!இதையும் எப்படியாவது சமாளிச்சுடலாம்..!!

ஷீலாதீட்சித் : பண்றதெல்லாம் பண்ணிட்டு தலையில கைய வச்சிகிட்டா எப்படி?காங்கிரஸ்காரரா இருக்கறதால எதுவும் பண்ண முடியல..!!

மன்மோகன்சிங் : (மீடியாவிடம்) எவ்வளவோ பிரச்சினைகள சகிச்சுகிட்டு இருக்கீங்க..!! உங்கள கையெடுத்து கும்படறேன்

தயவு செய்து இதை பெரிசு பண்ணாம நாட்டோட மானத்தை காப்பாத்துங்க..!! உங்களுக்கு புண்ணியமா போகும்..!!